ზუგდიდის ყოფილი მერის ლაშა გოგიას დაკავება არჩევნებთან არანაირ კავშირში არ არის, - ამის შესახებ პარლამენტის თავმჯდომარემ ირაკლი კობახიძემ განაცხადა. 

ჟურნალისტები დაინტერსდნენ, ხომ არ უკავშირდება ლაშა გოგიას დაკავება, იმას, რომ მმართველი გუნდის მიერ მხარდაჭერილმა კანდიდატმა სალომე ზურაბიშვილმა სამეგრელოში საკმარისი ხმები ვერ დააგროვა. 

"ლაშა გოგია იყო ადგილობრივი შტაბის ხელმძღვანელი და ასეთი ფუნქცია მას შეუნარჩუნდა. რაც შეეხება დაკავებას, ეს არის სამართალდამცავი ორგანოების გადასაწყვეტი და ბუნებრივია ეს არჩევნებთან არანაირ კავშირში არ არის და ვერც იქნება", - განაცხადა კობახიძემ. 

ცნობისთვის, სახელმწიფო უსაფრთხოების სამსახურის ანტიკორუფციული სააგენტოს ინფორმაციით, ჩატარებული ოპერატიულ-სამძებრო  და საგამოძიებო  მოქმედებების შედეგად ჯგუფურად, განსაკუთრებით დიდი ოდენობით ქრთამის აღების ფაქტზე,  სასამართლოს განჩინების საფუძველზე, ზუგდიდის მუნიციპალიტეტის ყოფილი მერი ლაშა გოგია და ყოფილი ვიცე-მერი გია გულორდავა დააკავეს.

ავტორი: ,

სოციალური ქსელები

შსს-ს გენერალური ინსპექციის უფროსმა, დავით არჩვაძემ თანამდებობა დატოვა

ბოჭორიშვილი: მოსკოვის მექანიზმი პოლიტიკური მიზნებისთვის ამოქმედებული ინსტრუმენტია

„ყველა სექტორში შენელება“ - რუსეთის ეკონომიკამ კვარტალი პირველად ვარდნით დაასრულა

ტრამპმა პუტინს მოუწოდა, უკრაინაში ომი შეეწყვიტოს და თქვა, რომ ის ირანის საზღვაო ბლოკადას ბირთვული შეთანხმების გარეშე არ მოხსნის