2018-11-01 18:29:55, 2024 ნახვა
პოლიტიკა
არჩევნების მეორე ტურისთვის „ოცნების“ შტაბს საქართველოს მასშტაბით კობახიძე, თბილისში კი, კალაძე უხელმძღვანელებს
საპრეზიდენტო არჩევნების მეორე ტურისთვის, „ქართულ ოცნების“ საარჩევნო შტაბი იხსნება, - ამის შესახებ დღეს გამართული პოლიტსაბჭოს სხდომის შემდეგ გახდა ცნობილი.
როგორც პარლამენტის ვიცე სპიკერმა, გია ვოლსკიმ განაცხადა, აღნიშნული გადაწყვეტილება მმართველმა გუნდმა, ბიძინა ივანიშვილთან შეხვედრაზე მიიღო.
„იქმნება შტაბები, ერთი იქნება მთლიანად ქვეყნის მასშტაბით, რომელსაც ირაკლი კობახიძე გაუძღვება და მეორე იქმნება თბილისის მასშტაბით, რომელსაც კახა კალაძე გაუძღვება. ეს რასაკვირველია ნიშნავს სრულ კოორდინაციას ამ ორი შტაბის და სალომე ზურაბიშვილის შტაბის და ჩვენს ყველას ჩართულობას ვინც ვართ პოლიტსაბჭოს წევრები“, - განაცხადა ვოლსკიმ.
![]()
ავტორი: ,
epn.ge (@expressnews.ge)
