„პროვოკაციაზე გამოიწვიეს კაცი და ყველას ნერვები აქვს, რა ქნას, გასცა პასუხი“, - ამის შესახებ საპარლამენტო უმრავლესობის წევრმა კარლო კოპალიანმა „ქართული ოცნების“ ოფისში სხდომის დასრულების შემდეგ, ახალქალაქში მომხდარ ინციდენტზე საუბრისას განაცხადა.

როგორც კოპალიანმა აღნიშნა, საპარლამენტო უმრავლესობის დეპუტატ ენზელ მკოიანს ოპოზიციის წარმომადგენლები ემუქრებოდნენ და შეურაცხყოფას აყენებდნენ.

„ღია მუქარით გადავიდნენ დეპუტატზე, დედას გიტირებთ თუ არ მოხსნი კანდიდატს, ჩვენ ხვალ მოვალთ... ვინ არის ასეთი ვაშაძე რომ უკვე ემუქრება პარლამენტის წევრს, აქვს უფლება ? გააშუქეთ ჟურნალისტებმა, რატომ დაურეკა, როგორ დაურეკა და რა სიტყვებით ელაპარაკა მკოიანს ვაშაძე. გრიგოლი იყო თუ გიორგი იყო არ ვიცი, ვაშაძე იყო, მკოიანს კითხეთ“, - განაცხადა კარო კოპალიანმა.

შეგახსენებთ, ახალქალაქში 30 ოქტომბერს გაერთიანებული ოპოზიციის პრეზიდენტობის კანდიდატის, გრიგოლ ვაშაძის საარჩევნო შტაბის უფროსს, აშოტ რაისიანს და შტაბის რამდენიმე წევრს ფიზიკურად გაუსწორდნენ. ოპოზიციის წარმომადგენლებმა მომხდარში „ქართული ოცნების“ დეპუტატის, ენზელ მკოიანის ძმა დაადანაშაულეს.

მომხდართან დაკავშირებით შსს-მ გამოძიება სისხლის სამართლის კოდექსის 239-ე მუხლის მე-2 და მე-3 ნაწილით მიმდინარეობს, რაც წინასწარი შეთანხმებით ჯგუფის მიერ ჩადენილ ხულიგნობას გულისხმობს.

ავტორი: ,

სოციალური ქსელები

შსს-ს გენერალური ინსპექციის უფროსმა, დავით არჩვაძემ თანამდებობა დატოვა

ბოჭორიშვილი: მოსკოვის მექანიზმი პოლიტიკური მიზნებისთვის ამოქმედებული ინსტრუმენტია

„ყველა სექტორში შენელება“ - რუსეთის ეკონომიკამ კვარტალი პირველად ვარდნით დაასრულა

ტრამპმა პუტინს მოუწოდა, უკრაინაში ომი შეეწყვიტოს და თქვა, რომ ის ირანის საზღვაო ბლოკადას ბირთვული შეთანხმების გარეშე არ მოხსნის