2018-10-24 15:53:12, 1177 ნახვა

---

კილაძე ივანიშვილზე: ეს იყო პატრიოტი კაცის ინტერვიუ, რომელმაც გულწრფელად ისაუბრა საჭირბოროტო პრობლემებზე

პარლამენტის ადამიანის უფლებათა დაცვის  კომიტეტის თავმჯდომარე სოფიო კილაძემ, პარტია ,,ქართული ოცნების'' თავმჯდომარის ბიძინა ივანიშვილის განცხადებები შეაფასა და ყურადღება მედიის როლზე გაამახვილა.

კილაძის თქმით, მედია, რომელიც არასწორ და ცრუ ინფორმაციას ავრცელებს, ქვეყნის დემოკრატიისთვის საზიანოა.

„ეს იყო გულწრფელი, პატრიოტი კაცის ინტერვიუ, რომელმაც ისაუბრა ძალიან გულწრფელად საჭირბოროტო პრობლემებზე. მე მგონია, რომ მედიის როლი არის ძალიან მნიშვნელოვანი დემოკრატიულ საზოგადოებაში მაგრამ, მაშინ როდესაც მედია არასწორ და ცრუ ინფორმაციებს ავრცელებს, ეს არის უკვე ქვეყნის და დემოკრატიისთვის საზიანო. სწორედ ამაზე გააკეთა ბატონმა ბიძინა ივანიშვილმა ერთ-ერთი აქცენტი'', - აღნიშნა სოფიო კილაძემ.

შეგახსენებთ, რომ გუშინ ბიძინა ივანიშვილმა ტელეკომპანიების ჟურნალისტებთან ინტერვიუში, „რუსთავი 2“ არაერთხელ გააკრიტიკა და მას „სიცრუის არხი“ უწოდა.

---

ავტორი: ,

---

დღის თემა

მთავარი თემა

ინტერვიუ - ექსკლუზივი