„ფინანსთა სამინისტროს ბიუჯეტი არც თუ ისე მცირე თანხით დაკორექტირდება“,-ამის შესახებ ფინანსთა მინისტრის პირველმა მოადგილემ, შემოსავლების სამსახურის უფროსმა გიორგი თაბუაშვილმა საქართველოს დამსაქმებელთა ასოციაციის  წევრებთან შეხვედრის დასრულების შემდეგ ჟურნალისტებს განუცხადა,  სადაც ფინანსთა სამინისტროს წარმომადგენლებმა ასოციაციის წევრებთან ერთად სამთავრობო სტრუქტურებთან და კერძო სექტორში არსებულ პრობლემებთან დაკავშირებით იმსჯელეს. 

როგორც თაბუაშვილმა აღნიშნა, ბიუჯეტის პროექტი უკვე  მომზადებულია.
„ბიუჯეტის პროექტი მომზადებულია. ის უახლოეს პერიოდში წარედგინება მთავრობას. მე დეტალებზე ვერ ვისაუბრებ. ფინანსთა სამინისტროს  ბიუჯეტი დაკორექტირდება არც თუ ისე მცირე თანხით“,-განაცხადა გიორგი თაბუაშვილმა. 
ცნობისთვის, შეხვედრაზე ფინანსთა  სამინისტრომ   ინფორმაცია საგადასახადო ადმინისტრირების კუთხით  განხორციელებულ ცვლილებეზე წარმოადგინა, გადამხდელთა მომსახურების გაუმჯობესების მიზნით დაგეგმილ სიახლეებზე და ასევე საგადასახადო კოდექსში განხორციელებულ ცვლილებებზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გაზსადენზე მომხდარი ავარიის გამო დიღომში, დიდ დიღომსა და გლდანის რაიონში 4600 აბონენტს გაზის მიწოდება შეუწყდა

მერიამ ე.წ. დეზერტირების ბაზრის მიმდებარედ გარემოვაჭრეების დახლები აიღო

სასამართლომ „ფორმულა“ გოგა ხაინდრავასთვის „მორალური ზიანის მიყენების გამო“ 10 000 ლარით დააჯარიმა

იავნანა ქართულის 1-ელი გაკვეთილი, BOG-ის ინიციატივა საზღვარგარეთ მცხოვრები ბავშვებისთვის