გამოძიების ფარგლებში ამოღებულია მეხსირების ბარათი, რომელიც პროკურატურის ყოფილი თანამშრომლის, მირზა სუბელიანის შეხვედრის კიდევ რამდენიმე ფარულ ჩანაწერს შეიცავს, - ამის შესახებ პროკურორმა კოკა კაციტაძემ უწყებაში გამართულ ბრიფინგზე განაცხადა.

როგორც მან აღნიშნა, ყველა ჩანაწერზე ავთენტიკურობის დადგენის მიზნით, შესაბამისი ექსპერტიზები ჩატარდება.

„გამოძიების ფარგლებში, პენიტენციური სამსახურის თანამშრომლის ი.პ.-სგან ამოღებულია მეხსიერების ბარათი, რომელიც შეიცავს რამდენიმე ფარულ ჩანაწერს, მათ შორის იმ ფაილსაც, რომელიც გუშინ გავრცელდა მედიასაშუალებით. ყველა ჩანაწერზე ავთენტიკურობის დადგენის მიზნით ჩატარდება შესაბამისი ექსპერტიზები.

დაწყებული გამოძიების ფარგლებში ტარდება ყველა აუცილებელი საგამოძიებო და საპროცესო მოქმედება, როგორც ამ დანაშაულთან შემხებლობაში მყოფი ყველა პირის გამოსავლენად, აგრეთვე მედიასაშუალებით გავრცელებულ ფარულ აუდიოჩანაწერში გახმოვანებულ შესაძლო დანაშაულებრივ ფაქტებთან დაკავშირებით.

გამოძიების ინტერესებიდან გამომდინარე, პროკურატურა  ამ ეტაპზე არ ასაჯაროებს გამოძიების პროცესში მოპოვებულ ყველა აუდიოჩანაწერს. თუმცა, მაღალი საზოგადოებრივი ინტერესიდან გამომდინარე, პროკურატურა ინტენსიურად მოახდენს საზოგადოების ინფორმირებას გამოძიების მიმდინარეობის შესახებ“, - განაცხადა კოკა კაციტაძემ.

ცნობისთვის, მთავარმა პროკურატურამ გავრცელებულ აუდიოჩანაწერზე, რომელშიც სავარაუდოდ, უწყების ყოფილი თანამშრომელი, მირზა სუბელიანი, „ქართული ოცნების“ წევრი ვიქტორ ჯაფარიძე და დევნილთა სამინისტროს ყოფილი მაღალჩინოსანი, დავით ცუხიშვილი ფიგურირებენ, მორიგი განცხადება გაავრცელა.

როგორც უწყებაში გამართულ ბრიფინგზე პროკურორმა კოკა კაციტაძემ აღნიშნა, საქმეზე გამოძიება დაიწყო სპეციალური პენიტენციური სამსახურის  თანამშრომლის ი.პ.-ს განცხადების საფუძველზე, რომლის თანახმადაც მიმდინარე წლის 12 ოქტომბერს, მასზე განხორციელდა შანტაჟი და ზეწოლა: კერძოდ, კაციტაძის განმარტებით, ი.პ.-ს პირადი ცხოვრების ამსახველი კადრების გასაჯაროების მუქარით მოსთხოვეს პატიმარ მირზა სუბელიანის შეხვედრების ფარული ჩანაწერების გავრცელება.

ავტორი: ,

სოციალური ქსელები

ივანიშვილის წარმომადგენელს წილოსანს მიაჩნია, რომ სასქართველოში საწვავის ფასი არაა ევროპის ფასებზე მეტი

მთავრობამ მიიღო რეპრესიული „უცხოელი აგენტების“ კანონიც კი, რომელიც მედიის დირექტორებს სისხლისსამართლებრივ პასუხისმგებლობას აკისრებს - RSF

სიძულვილის ენა და დეზინფორმაცია ფართოდაა გავრცელებული ქართულ მედიაში - რეპორტიორები საზღვრებს გარეშე

"გოგოების გზა ტექნოლოგიებში" - "თეგეტა ჰოლდინგი" გაეროს ქალთა ორგანიზაციის საერთაშორისო კონფერენციას შეუერთდა