„ბიძინა ივანიშვილისთვის მოქალაქეობის ჩამორთმევა იყო კანონიერი, მაგრამ არასწორი ნაბიჯი“, - ამის შესახებ იუსტიციის ყოფილმა მინისტრმა ზურაბ ადეიშვილმა ტელეკომპანია „რუსთავი 2“-ის ეთერში, გადაცემა „არჩევანში“ განაცხადა.

როგორც ადეიშვილმა აღნიშნა, როდესაც მიდის პოლიტიკური პროცესები, იქ სამართლებრივი ინსტრუმენტები არ უნდა იყოს გამოყენებული.

„ეს გადაწყვეტილება იყო ლეგიტიმური, მაგრამ კიდევ ერთხელ ვამბობ, რომ პოლიტიკაში არის ადგილი მხოლოდ პოლიტიკური დისკუსიისათვის. ბუნებრივია, როდესაც ხდება სამართლბერივ მექანიზმების ჩარევა, ეს არის არასწორი და არანაირ ეფექტს ეს არ იძლევა. რაიმე პოლიტიკური უპირატესობა „ნაციონალურ მოძრაობას“ არ მიუღია. ეს არ იყო პოლიტიკური გადაწყვეტილება, ეს იყო სამართლებრივი გადაწყვეტილება, იქიდან გამომდინარე, რომ ჩვენ მივიღეთ ინფორმაცია მაშინ და რეაგირება გვქონდა მას შემდეგ, რაც ინფორმაცია მივიღეთ. თუმცა, კიდევ ერთხელ ვამბობ, ჯობია როდესაც მიდის პოლიტიკური პროცესები, იქ სამართლებრივი ინსტრუმენტები არ იქნეს საერთოდ გამოყენებული“, - განაცხადა ზურაბ ადეიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტიმ კუკი Apple-ის აღმასრულებელი დირექტორის თანამდებობიდან ტოვებს, მას ჯონ ტერნუსი შეცვლის

Axios: ირანის უზენაესმა ლიდერმა ტრამპის ახალი მუქარის შემდეგ აშშ-სთან მოლაპარაკებების გაგრძელების ბრძანება გასცა

ესტონეთი ზელენსკის ბალტიისპირეთის ქვეყნებზე რუსეთის შესაძლო თავდასხმის შესახებ გაკეთებული განცხადებების გამო აკრიტიკებს

მადიარი ზელენსკის ულტიმატუმის ენით ესაუბრება და რუსული ნავთობის მიწოდების განახლებას ითხოვს