აჭარის მთავრობის თავმჯდომარე არჩილ ხაბაძე ირანის კონსულს ჰოსეინ მაშჰადს შეხვდა.

აჭარის მთავრობის პრესსამსახურის ინფორმაციით, გაცნობითი ხასიათის შეხვედრაზე საუბარი შეეხო ორ ქვეყანას შორის სხვადასხვა მიმართულებით არსებულ ურთიერთობებს.

არჩილ ხაბაძემ სტუმარს რეგიონის კულტურული, ეკონომიკური და ტურისტული მიმართულებით არსებული მდგომარეობა გააცნო და სხვადასხვა სფეროში თანამშრომლობის შესახებ კონსულის იდეები მოისმინა.

“შეხვედრაზე გამოიკვეთა ირანიდან ინვესტიციების შემოტანის ინტერესი. ასევე  გამოითქვა სურვილი რეგიონის ტურიზმის პოტენციალის გასაცნობად უახლოეს მომავალში  ირანელი ბიზნესმენების ჩამოყვანის შესახებ. ბატონი კონსული მონდომებულია, ინიციატივები აქვს და ვფიქრობ მომავალში კარგი თანამშრომლობა შედგება“, - განაცხადა არჩილ ხაბაძემ.

„შეხვედრა გაცნობითი ხასიათის იყო, მაგრამ ამავე დროს ვისაუბრეთ  იმ დარგებზე,  რომელშიც  ერთმანეთის გვერდში დგომა შეგვიძლია და თანამშრომლობა.  ეს არის ეკონომიკა, სოფლის მეურნეობა, ტურიზმი, კულტურა. ყველა იმ საკითხზე ვილაპარაკეთ, რაც შეიძლება რომ ერთობლივად გავაკეთოთ“, - განაცხადა  ჰოსეინ მაჰშადიმ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტიმ კუკი Apple-ის აღმასრულებელი დირექტორის თანამდებობიდან ტოვებს, მას ჯონ ტერნუსი შეცვლის

Axios: ირანის უზენაესმა ლიდერმა ტრამპის ახალი მუქარის შემდეგ აშშ-სთან მოლაპარაკებების გაგრძელების ბრძანება გასცა

ესტონეთი ზელენსკის ბალტიისპირეთის ქვეყნებზე რუსეთის შესაძლო თავდასხმის შესახებ გაკეთებული განცხადებების გამო აკრიტიკებს

მადიარი ზელენსკის ულტიმატუმის ენით ესაუბრება და რუსული ნავთობის მიწოდების განახლებას ითხოვს