"ეროვნულ დემოკრატიული მოძრაობის" თავმჯდომარე, ნინო ბურჯანაძე რუსეთის ფედერაციის მიერ ორგანიზებულ ევრაზიულ ქალთა ფორუმს დაესწრო, - ამის შესახებ ინფორმაციას პუტინის ადმინისტრაცია ავრცელებს. 

ფორუმზე ვლადიმერ პუტინმა სტუმრებს სიტყვით მიმართა და რუსეთისა და მსოფლიოს განვითარებაში ქალების როლზე ისაუბრა.

რაც შეეხება თავად ბურჯანაძეს, მასთან ინტერვიუ სახელისუფლებო გამოცემა «Парламентской газете»-მ ჩაწერა. როგორც ბურჯანაძემ აღნიშნა, პირადი და არაფორმალური შეხვედრები იძლევა საშუალებას პრობლემები უფრო გულწრფელად განიხილო.

პოლიტიკოსის თქმით, ის სამი წლის წინაც იმყოფებოდა აღნიშნულ ფორუმზე და ორგანიზატორს ფორუმის ჩატარების იდეისთვის მადლობა გადაუხადა. მანვე დასძინა, რომ პოლიტიკოსები საჯარო გამოსვლებში უფრო მკაცრები არიან და "ყველა ადამიანი სხვადასხვაგვარად საუბრობს აუდიტორიასა და სამზარეულოში".

"პირადი საუბრების დროს შეიძლება გულახდილად ისაუბროთ პრობლემებზე და გამოსავალი იპოვოთ. რა თქმა უნდა ყოველთვის ყველაფრის თქმა ბოლომდე, არ არის აუცილებელი, თუმცა არც ტყუილი უნდა ვთქვათ", - განაცხადა ნინო ბურჯანაძემ. 

აღსანიშნავია, რომ ბურჯანაძის გარდა, ფორუმს ოკუპირებული აფხაზეთის დე-ფაქტო დელეგაციაც ესწრებოდა. ე.წ. დელეგაციის რიგებში დე-ფაქტო რესპუბლიკის იუსტიციისა და კულტურის მინისტრები და პარლამენტის დეპუტატები იყვნენ.

ფორუმი სანქტ-პეტერბურგში ჩატარდა და მას 110 ქვეყნის წარმომადგენელი ესწრებოდა.

ავტორი: ,

სოციალური ქსელები

კობახიძე თელავის სტიქიაზე - ნებართვები არასწორად იყო გაცემული. ასე მიმაჩნია, თუმცა შევისწავლით

აქტივისტ ისაკო დევიძეს საპროცესო შეთანხმება გაუფორმდა - ის საპატიმროს 6 თვეში დატოვებს

14-16 ივლისს საქართველოში მოსალოდნელია მაღალი ტემპერატურის ფონზე დროგამოშვებით ნალექიანი ამინდი

კობახიძე - ქვეყანა იმართება ეფექტიანად, მათ შორის ეკონომიკური თვალსაზრისით