15 სექტემბერს, დაახლოებით, 20:30 საათზე, „ლიბერალის“ მთავარ რედაქტორს, ზურა ვარდიაშვილს თავს დაესხნენ.

როგორც ვარდიაშვილმა, „ექსპრესნიუსთან“ საუბრისას განაცხადა, მას 5-6 კაციანი დაჯგუფება ფიზიკურად გაუსწორდა, რის შედეგადაც თავისა და სახის არეში მძიმე დაზიანებები მიიღო.

მისი თქმით, თავდამსხმელები იდენტიფიცირებული არიან, თუმცა სამართალდამცველებს ამ დრომდე არც ერთი მათგანი არ დაუკავებიათ.

„ორი დღე გავიდა თავდასხმიდან, შინაგან საქმეთა სამინისტროს იდენტიფიცირებული ჰყავს უკვე თავდამსხმელები და რატომღაც არ აჩქარებს საგამოძიებო მოქმედებებს. იმავე საღამოს დაადგინეს მათი ვინაობა და დაკითხულებიც კი არ ჰყავთ. გამოძიების ინფორმაცია არის რომ ვიღაცაში შევეშალე ამ ადამიანებს, მაგრამ ეს იყო დაგეგმილი სპეცოპერაცია. მე მყავს მანქანა, რომლითაც დაინტერესებულები იყვნენ ეს ადამიანები. დამირეკეს და შემითანხმდნენ, რომ მანქანა ენახათ, მეც დავთანხმდი, ვარკეთილში მდებარე პროფილაქტიკასთან დავიბარე, თვითონ დამითქვეს დრო, საღამოს რვა საათზე. დათქმული დროიდან ნახევარი საათის შემდეგ შეხვედრის ადგილზე მაღალი სისწრაფით მომავალი ორი ჯიპი - ML და X5 გაჩერდა. იქიდან 5-6 ან 7 კაცი გადმოვიდა,  რომლებიც გამოიყურებოდნენ, როგორც რაღაც დაჯგუფება, ძალიან ორგანიზებულად მოქმედებდნენ, გადმოვიდნენ და სიტყვის უთქმელად დამესხნენ თავს. მირტყამდნენ ძლიერად, თავსა და სახეში, ხმის ამოუღებლად, მხოლოდ ერთ ფრაზას მოვკარი ყური - „მოვიპაროთ ეს ჩემისა“, და ჩემი მანქანისკენ წათრევა სცადეს. ამასობაში გვერდზე სამრეცხაოდან ხალხი გამოიქცა და ესენი უცებ ჩასხდნენ მანქანაში და გაქრნენ. თვითმხილველებმა დაინახეს მანქანის ნომერიც. მათვე დარეკეს პოლიციასა და სასწრაფოშიც. ადგილზე მოვიდნენ შინაგან საქმეთა სამინისტროს კრიმინალური განყოფილების თანამშრომლებიც, სწორედ თვითმხილველების ინფორმაციის საფუძველზე შეძლეს იდენტიფიცირება მათ ამ თავდამსხმელების. როგორც გამომძიებელმა ამიხსნა, ერთ საათში ჰქონდათ უკვე ვინაობა დადგენილი“, - აღნიშნა საუბრისას ზურა ვარდიაშვილმა.

„ექსპრესნიუსის“ კითხავაზე თუ რა გეგმები აქვს მას, ვარდიაშვილის განმარტებით, აპირებს, რომ თავდამსხმელები სასამართლომდე მიიყვანოს.

„ვაპირებ რომ ეს ადამიანები მივიყვანო სასამართლომდე და გაბრაზებულზე მეტად უბრალოდ დაინტერესებული ვარ, ვინ იყვნენ? რა უნდოდათ? თავდასხმის მსხვერპლი მე გავხდი და თუნდაც გამოძიების ვერსია, რომ მათ ვიღაცაში შევეშალე არანაირ შეღავათს არ მაძლევს“, - განმარტა ზურა ვარდიაშვილმა.

„ექსპრესნიუსი“ აღნიშნულ თავდასხმასთან დაკავშირებით შინაგან საქმეთა სამინისტროს დაუკავშირდა. როგორც უწყებაში განაცხადეს, გამოძიება დაწყებულია საქართველოს სსკ-ის 126-ე მუხლით, რაც ძალადობას გულისხმობს.

„დადგენილი არიან პირები და მიმდინარეობს შესაბამისი ექსპერტიზები და პროცედურები“, - აღნიშნეს შსს-ში. 

ავტორი: ,

სოციალური ქსელები

„ყველა სექტორში შენელება“ - რუსეთის ეკონომიკამ კვარტალი პირველად ვარდნით დაასრულა

ტრამპმა პუტინს მოუწოდა, უკრაინაში ომი შეეწყვიტოს და თქვა, რომ ის ირანის საზღვაო ბლოკადას ბირთვული შეთანხმების გარეშე არ მოხსნის

ბოჭორიშვილი: მაისში სახელმწიფო დეპარტამენტის წარმომადგენლების ვიზიტი იქნება საქართველოში

პუტინმა ტრამპს განუცხადა, რომ მზადაა 9 მაისს უკრაინაში დროებითი ცეცხლის შეწყვეტა გამოაცხადოს