თბილისის მერი კახა კალაძე,  მოადგილე ილია ელოშვილთან ერთად, ბელარუსის დედაქალაქ მინსკს ვიზიტით ეწვია.

ვიზიტის ფარგლებში, კახა კალაძემ მინსკის საქალაქო აღმასრულებელი კომიტეტის თავმჯდომარე ანდრეი შორეცთან შეხვედრა გამართა.  მხარეებმა დაძმობილებულ ქალაქებს შორის არსებული ურთიერთობების ძირითადი საკითხები განიხილეს.

როგორც თბილისის მერმა შეხვედრაზე აღნიშნა, მინსკსა და თბილისს აქვს რესურსი, რომ მეგობრული ურთიერთობები კიდევ უფრო გაღრმავდეს.

„ჩემთვის ძალიან მნიშვნელოვანია, რომ ეს ვიზიტი შედგა. მიხარია, რომ ბელარუსის დედაქალაქში ქართული კულტურის ფესტივალი - „თბილისობა 2018“ იმართება, სადაც ძალიან ბევრი ადამიანია მოსული. ჩვენ გვაქვს შესაძლებლობა, რომ აქ მცხოვრებ ადამიანებს ჩვენი კულტურა და ის ღირსშესანიშნაობები გავაცნოთ, რითაც ვამაყობთ. რაც შეეხება მინსკს, ეს არ არის ჩემი პირველი ვიზიტი. ამ ქალაქს ძალიან კარგად ვიცნობ და მიყვარს როგორც ეს ქვეყანა, ქალაქი, ხალხი. ასევე, ძალიან  ვაფასებ იმ ურთიერთობებს, რაც ჩვენს ქვეყნებსა და ხალხს შორის არსებობს. გვაქვს ძალიან დიდი რესურსი, რომ ეს ყველაფერი კიდევ უფრო გავაღრმავოთ და კიდევ უფრო მეგობრული გავხადოთ“, - განაცხადა კახა კალაძემ.

შეხვედრაზე ბელარუსმა კოლეგამ თბილისის მერს ვიზიტისთვის მადლობა გადაუხადა.

„გვიხარია, რომ აქ ხართ და ასეთ კეთილ ტრადიციას ჩაეყარა საფუძველი. მინსკში თბილისობას აღვნიშნავთ. ჩვენ გვაქვს შესაძლებლობა, მინსკელებს ქართული კულტურა,  სამზარეულო  და ტრადიციები ვაჩვენოთ. ვფიქრობ, თქვენი ვიზიტი  იქნება შემდეგი ნაბიჯი ჩვენი ურთიერთობის კიდევ უფრო გაღრმავებისთვის“, - მიმართა მინსკის საქალაქო აღმასრულებელი კომიტეტის თავმჯდომარე ანდრეი შორეცმა თბილისის მერს.

ბელარუსის დედაქალაქში ქართული კულტურის რიგით მეოთხე ფესტივალი „თბილისობა 2018“ იმართება.

დედაქალაქის მერი კახა კალაძე მინსკს თბილისის მერიისა და თბილისის საკრებულოს დელეგაციასთან ერთად ეწვია.

თბილისსა და მინსკს შორის დაძმობილების ხელშეკრულება 2015 წლის 11 სექტემბერს გაფორმდა. ორმა ქალაქმა დაძმობილების გადაწყვეტილება მეგობრული და დინამიური პარტნიორული კავშირების გათვალისწინებით მიიღო.

(NS)

ავტორი: ,

სოციალური ქსელები

iFact: სანქცირებული ტანკერის ტვირთი ყულევის პორტში ჩავიდა

პარლამენტმა სახელმწიფო ქონება იმპორტზე აქციზის გადასახადისგან გაათავისუფლა

რუსეთმა შეერთებულ შტატებს ევროპიდან ყველა ბირთვული იარაღის გაყვანა მოსთხოვა

პუტინის ბირთვული მუქარის შემდეგ ნატოს ქვეყნებმა რეკორდული ტემპით ჩადეს ინვესტიციები ბირთვულ იარაღში