ევროპარლამენტი საქართველო-ევროკავშირს შორის ასოცირების შეთანხმების განხორციელებას პოზიტიურად აფასებს

2018-09-01 10:41:12, 1850 ნახვა

პოლიტიკა

საქართველოსა და ევროკავშირს შორის ასოცირების შესახებ შეთანხმების ხელმოწერიდან 4 წლისა და შეთანხმების ძალაში სრულად შესვლიდან 2 წლის თავზე ევროპარლამენტმა გადაწყვიტა, საქართველოსა და ევროკავშირს შორის ასოცირების შესახებ შეთანხმების განხორცილების კუთხით არსებული მდგომარეობა შეეფასებინა.

როგორც „ექსპრესნიუსს“ შინაგან საქმეთა სამინისტროდან აცნობეს, ევროპარლამენტი საქართველოს მიერ ასოცირების შესახებ შეთანხმების განხორციელებას პოზიტიურად აფასებს.

ანგარიშში განსაკუთრებით ხაზგასმულია მიღწეული პროგრესი ორგანიზებულ დანაშაულთან ბრძოლის კუთხით; ევროპარლამენტი მიესალმება საქართველოს მიერ თურქეთთან და აზერბაიჯანთან სასაზღვრო სექტორების რეაბილიტაციის გაძლიერებას. ასევე ხაზგასმულია და დადებითად არის შეფასებული შინაგან საქმეთა სამინისტროში ადამიანის უფლებათა დაცვის დეპარტამენტის შექმნა.

აქვე აღსანიშნავია, რომ ევროპარლამენტი მოუწოდებს ევროკავშირის წევრ ქვეყნებს შეიყვანონ საქართველო უსაფრთხო ქვეყნების სიაში.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები