„ვისურვებდი, რომ ზოგადად, ექს პრეზიდენტები, ექს პრემიერები თანანმდებობის ვადის ამოწურვის შემდეგ, კერძო ცხოვრებას არ უბრუნდებოდნენ“, - ამის შესახებ „შენების მოძრაობის“ ლიდერმა, პრეზიდენტობის კანდიდატმა დავით უსუფაშვილმა „TV პირველის“ ეთერში განაცხადა.

იგი გიორგი მარგველაშვილის გადაწყვეტილებას გამოეხმაურა, რომლის თანახმადაც, ის საპრეზიდენტო არჩევნებში მონაწილეობას აღარ მიიღებს.

„მე გიორგი მარგველაშვილის ორიოდე თვის წინ მივმართე საჯაროდ და შევთავაზე ერთად გაგვეგრძელებინა აქტიური პოლიტიკური ცხოვრება ამ საპრეზიდენტო არჩევნებში და შემდგომ, 2020 წლის საპარლამენტო არჩევნებშიც. როგორც იცით, გიორგი სხვა პოზიციაზე აღმოჩნდა, მე ამის თაობაზე საჯაროდ მოგახსენეთ, ის რომ მან ამოწურა თავისი საპრეზიდენტო პოტენციალი, მაგრამ აგრძელებს სამსახურს სამშობლოსთვისა და ქვეყნისთვის. მე ვისურვებდი, რომ ზოგადად, ექსპრეზიდენტები, ექსპრემიერები კერძო ცხოვრებას არ უბრუნდებოდნენ თანანმდებობის ვადის ამოწურვის შემდეგ, ჩვენს ქვეყანას სჭირდება ბევრი გამოცდილი ადამიანი, მათ შორის ყოფილი პრეზიდენტიც, ყოფილი პრემიერიც, ყოფილი პარლამენტის თავჯდომარეც, ჩვენ გვჭირდება აქტიური, ავტორიტეტული ადამიანები, რომელსაც სკამი და თანანმდებობა კი არ ქმნის, არამედ საქმე და ავტორიტეტი. მაგრამ გიორგიმ გადაწყვიტა ის რაც გადაწყვიტა, მე არ მგონია, რომ ჩვენ გიორგი უნდა დაგვენახა რაღაც ინსტრუმენტი მეორე ტურის მომწიფების, თუ მესამე ტურის მომწიფების, ფაქტია, რომ საარჩევნო კამპანია არის უკვე აქტიურ ფაზაში“, - აღნიშნა დავით უსუფაშვილმა.

ავტორი: ,

სოციალური ქსელები

რატომ შეხვდნენ ოცნების მინისტრები, ჩინეთის ინტერნეტის ცენზორს

ევროკავშირმა უკრაინისთვის 90 მილიარდი ევროს ოდენობის სესხის პირობები გაამკაცრა

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა