„უარის თქმა ბრძოლაზე, არის პასუხისმგებლობის აცილება, სამწუხარო და გაუგებარი პოზიციაა, მაგრამ ეს მისი გადასაწყვეტი იყო“, - ასე გამოეხმაურა „ევროპული საქართველოს“ წევრი ელენე ხოშტარია  პრეზიდენტ გიორგი მარგველაშვილის გადაწყვეტილებას, რომელმაც საპრეზიდენტო არჩევნებში მონაწილეობაზე უარი თქვა.

მისი თქმით, „ქართული ოცნების“ მმართველობის დროს დაგროვილ პრობლემებზე პასუხისმგებლობას პრეზიდენტიც იზიარებს.

„პირველ რიგში გაუგებარია ის ფაქტი, რომ როცა საზოგადოებაში პრეზიდენტის პოზიციის მოლოდინია, ბოლო მომენტამდე მიიყვანო ამ პოზიციის გაჟღერება. მითუმეტეს მაშინ, როცა არჩევნები არის საშუალება, რომ ქვეყანაში დაგროვილ პრობლემებს ებრძოლო, რაც „ქართული ოცნების“ მმართველობის დროს დაგროვდა, რაზეც მათ შორის პრეზიდენტიც იზიარებს პასუხისმგებლობას ამაზე, ხოლო უარის თქმა ბრძოლაზე, არის პასუხისმგებლობის აცილება, სამწუხარო და გაუგებარი პოზიცია, მაგრამ ეს მისი გადასაწყვეტი იყო. ოპოზიციას ჩვენი დღის წესრიგი გვაქვს, რომ „ქართული ოცნება“ ამ ბრძოლაში დავასუსტოთ და დავამარცხოთ“, - აღნიშნა ელენე ხოშტარიამ.

ცნობისთვის, საქართველოს პრეზიდენტი გიორგი მარგველაშვილი მომავალ საპრეზიდენტო არჩევნებში მონაწილეობას არ მიიღებს. აღნიშნული განცხადება დღეს საქართველოს პრეზიდენტმა სასახლეში ლატვიის ყოფილ პრეზიდენტთან ვალდის ზატლერსთან საჯარო ლექციაზე გააკეთა, რომელსაც სტუდენტები და აკადემიური წრეების წარმომადგენლები ესწრებოდნენ.

ავტორი: ,

სოციალური ქსელები

რატომ შეხვდნენ ოცნების მინისტრები, ჩინეთის ინტერნეტის ცენზორს

ევროკავშირმა უკრაინისთვის 90 მილიარდი ევროს ოდენობის სესხის პირობები გაამკაცრა

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა