თბილისის საქალაქო სასამართლომ, ცეცხლსასროლი იარაღის უკანონო შეძენა-შენახავა-ტარების ბრალდებით დაკავებულ თორნიკე კაჭარავას, აღკვეთის ღონისძიების სახით პატიმრობა შეუფარდა.

დაცვის მხარე ბრალდებულისთვის 30 000-ლარიანი გირაოს შეფარდებას ითოვდა, თუმცა სასამართლომ აღნიშნული შუამდგომლობა არ დააკმაყოფილა.

პროკურორი მინდია დავითაძე მოსამართლის გადაწყვეტილებით კმაყოფილია და აცხადებს, რომ ბრალდებულის მხრიდან მიმალვისა და მართლმსაჯულებისთვის ხელის შეშლის საფრთხე არსებობდა.

 „პატიმრობა იყო ერთადერთი ღონისძიება, რათა თავიდან ყოფილიყო აცილებული ბრალდებულის მიმალვა, მის მიერ მართლმსაჯულებისათვის ხელის შეშლა და დანაშაულებრივი საქმიანობის აღკვეთა. სასამართლომ სრულად გაიზრიარა აღნიშნული გარემოებები და მის მიმართ გამოიყენა აღკვეთის ღონისძიების სახით პატიმრობა“, - აღნიშნა პროკურორმა.

შეგახსენებთ, რომ თორნიკე კაჭარავა პრეზიდენტის სიძის, მინდია გოგოჭურისა და მისი ქალიშვილის, ანა მარგველაშვილის მეგობარია. მანამდე იგი ნარკოდანაშაულისთვის  იყო დაკავებული, თუმცა მოგვიანებით, 15 000-ლარიანი გირაოს გადახდის შემდეგ გაათავისუფლეს. ამჯერად, მის მიერ ჩადენილი დანაშაული 3-დან 6 წლამდე ვადით თავისუფლების აღკვეთას ითვალისწინებს.

ავტორი: ,

სოციალური ქსელები

სასკოლო ფორმებზე 45 მილიონამდე ლარის ღირებულების გამარტივებული შესყიდვა გამოცხადდა

ივანიშვილის პარლამენტმა სახელმწიფო მინისტრის თანამდებობის შემოღებას მხარი დაუჭირა

გაერო: აშშ-ისრაელის საბრძოლო მოქმედებების დაწყებიდან, ირანში 21 ადამიანი სიკვდილით დასაჯეს

ხაბაროვსკის მხარეში ბუჩას ხოცვა-ჟლეტაში მონაწილე გენერლის აფეთქების მცდელობა იყო