ვაკის რაიონში ახალი სკვერები ეწყობა

2018-07-20 19:49:32, 904 ნახვა

საზოგადოება

ვაკის რაიონის გამგეობის ინფრასტრუქტურული პროექტების ფარგლებში, სკვერების მოწყობა-განახლება მიმდინარეობს.

მერიის ინფორმაციით, ახალი სკვერები ნუცუბიძის IV მ/რ-ის 36-ე კორპუსისა და ვაჟა-ფშაველას V კვარტლის მე-2 კორპუსის მიმდებარედ ეწყობა.

დასასვენებელ სივრცეებში საბავშვო-გასართობი მოედნები და ფანჩატურები განთავსდება. ასევე, მოეწყობა სავალი ბილიკები და სხვა შესაბამისი ინფრასტრუქტურა. სკვერები გამწვანდება და განათდება.

ახალი სკვერების გარდა, ნუცუბიძის IV მ/რ-ის 24-ე კორპუსის ტერიტორიაზე არსებულის რეაბილიტაცია მიმდინარეობს. სამუშაოებს ვაკის რაიონის გამგებელი ნოდარ ტურძელაძე გაეცნო და ადგილობრივ მცხოვრებლებს შეხვდა.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები