„პროკურატურამ მთხოვა ჩემი მოსაზრება დამეფიქსირებინა რამოდენიმე საკითხთან დაკავშირებით, მათ შორის იყო ისეთი საკითხი, რომელიც ჩემი მინისტრობის დროს, ჩვენვე გადავაგზავნეთ პროკურატურაში“, - ამის შესახებ ეკონომიკისა და მდგრადი განვითარების ყოფილმა მინისტრმა დიმიტრი ქუმსიშვილმა ჟურნალისტებს განაცხადა.

როგორც მან აღნიშნა, გამოძიების კითხვებს ამომწურავი პასუხი გასცა.

„პროკურატურაში გახლდით დაახლოებით 20 დღის წინ. ეს იყო გამოკითხვის ფორმატი. პროკურატურამ მთხოვა ჩემი მოსაზრება დამეფიქსირებინა რამოდენიმე საკითხთან დაკავშირებით, მათ შორის იყო ისეთი საკითხი, რომელიც ჩემი მინისტრობის დროს ჩვენვე გადავაგზავნეთ პროკურატურაში. აქედან გამომდინარე ყველა მოსაზრება, რაც მე გამაჩნდა დავაფიქსირე და ყველა კითხვას მაქსიმალურად ამომწურავი პასუხი გავეცი. დღეს ჩამოვფრინდი საზღვარგარეთიდან. დღეს გავრცელდა ეს ინფორმაცია და არ ვიცი როგორი დამთხვევაა. ნებისმიერ კითხვას, რომელიც საზოგადოებას ექნება, ამ კითხვაზე მე პასუხს გავცემ უპრობლემოდ. დასამალი არაფერი მაქვს. მინდა ვთქვა, რომ კარიერის განმავლობაში ვთვლი, რომ ღირსეულად და პატიოსნად ვემსახურე ჩემ ქვეყანას და შესაბამისად, ასეც ვაპირებ, რომ გავაგრძელო ჩემი ცხოვრება“, - განაცხადა ქუმსიშვილმა.

რაც შეეხება კითხვას, თუ რას უკავშირდებოდა კონკრეტული საქმეები, ქუმსიშვილმა აღნიშნა, რომ ამ ინფორმაციას ვერ გაავრცელებს.

„კონკრეტულ საქმეებზე ინფორმაციას ვერ გავავრცელებ. ჩემი გადმოსახედიდან ეს კითხვები იყო ძალიან მარტივი და არა პირდაპირ ჩემთან დაკავშირებული“, - განაცხადა ქუმსიშვილმა.

ცნობისთვის, გუშინ მთავარ პროკურატურაში განაცხადეს, რომ ეკონომიკისა და მდგრადი განვითარების ყოფილი მინისტრი დიმიტრი ქუმსიშვილი და რეგიონული განვითარებისა და ინფრასტრუქტურის ყოფილი მინისტრი ზურაბ ალავიძე მთავარ პროკურატურაში გამოკითხვზე იმყოფებოდნენ.

მათი ინფორმაციით, გამოკითხვა უფლებამოსილების ბოროტად გამოყენებისა და საბიუჯეტო თანხების მითვისება/გაფლანგვის ფაქტებზე მიმდინარე გამოძიებას უკავშირდება.

„მთავარი პროკურატურის საგამოძიებო ნაწილში მიმდინარეობს გამოძიება საქართველოს ეკონომიკისა და მდგრადი განვითარების სამინისტროს, ასევე რეგიონული განვითარებისა და ინფრასტრუქტურის სამინისტროს ცალკეულ მოხელეთა მიერ სამსახურებრივი უფლებამოსილების ბოროტად გამოყენებისა და დიდი ოდენობით საბიუჯეტო თანხების მართლსაწინააღმდეგოდ მითვისება/გაფლანგვის ფაქტებზე.  გიდასტურებთ, რომ ხსენებული სისხლის სამართლის საქმის გამოძიების ფარგლებში საქართველოს მთავარ პროკურატურაში გამოიკითხნენ ეკონომიკისა და მდგრადი განვითარების ყოფილი მინისტრი დიმიტრი ქუმსიშვილი და რეგიონული განვითარებისა და ინფრასტრუქტურის ყოფილი მინისტრი ზურაბ ალავიძე. საქმეზე გრძელდება გამოძიება და შედეგების შესახებ დამატებით ეცნობება საზოგადოებას“, - აცხადებენ მთავარ პროკურატურაში.

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა