პრემიერი ტყიბულის ტრაგედიაზე: მივიღეთ გადაწყვეტილება შახტის დახურვის შესახებ

2018-07-16 12:15:14, 1204 ნახვა

კომენტარი

საქართველოს პრემიერ-მინისტრის მამუკა ბახტაძის გადაწყვეტილებით ტყიბულში, მინდელის სახელობის შახტები დაიხურება.

როგორც განცხადებაშია აღნიშნული, პრემიერი, დღეს შახტაში დაღუპულთა ოჯახებს უსამძიმრებს.

"მინდელის სახელობის შახტში დღეს დილით მორიგი ტრაგედია დატრიალდა. მთელი გულით ვუსამძიმრებ დაღუპულთა ოჯახებს და თანადგომას ვუცხადებ ამ მძიმე წუთებში. სახელმწიფო ვერ დაუშვებს საკუთარი მოქალაქეების სიცოცხლისა და ჯანმრთელობის დაუცველობას. შესაბამისად, მივიღეთ გადაწყვეტილება შახტის დახურვის შესახებ. მომხდარზე მიმდინარეობს გამოძიება და ყველა პასუხისმგებელი პირი დაისჯება კანონის სრული სიმკაცრით. შახტი არ განაახლებს მუშაობას, ვიდრე არ დასრულდება როგორც სისხლის სამართლებრივი გამოძიება, ისე მაღალკვალიფიციური საერთაშორისო საინჟინრო-ტექნიკური ექსპერტიზა. შახტში დასაქმებულებს ამ პერიოდის განმავლობაში აუნაზღაურდებათ ხელფასი", - ნათქვამია მამუკა ბახტაძის განცხადებაში.

ცნობისთვის, ტყიბულში, მინდელის სახელობის შახტაში აფეთქების შედეგად 4 ადამიანი დაიღუპა, 6 კი, დაშავდა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები