„მგონი თეა წულუკიანის გავლენის ქვეშ ხართ, როგორც ფილოსოფოსი“, - ასე მიმართა საპარლამენტო უმრავლესობის ლიდერმა არჩილ თალაკვაძემ „ნაციონალური მოძრაობის“ წევრ რომან გოცირიძეს, რომელმაც საკუთარი თავი გერმანელ ფილოსოფოსს, ემანუელ კანტს შეადარა.

„მინდა მივმართო ბატონ რომან გოცირიძეს, რომელმაც თავისი თავი კანტს შეადარა. ბატონო რომან, მართლაც გავხართ კანტს, იმიტომ რომ მთავარი ოპოზიციური პარტიის წარმომადგენელმა დღეს მარტომ მოახერხეთ ამ მნიშვნელოვან სხდომაზე მოსვლა. ეს მართლაც გამორჩეული თვისებაა, მაგრამ ერთი რამ მიკვირს, ამხელა ფილოსოფოსი თეა წულუკიანის ციტატებით რომ საუბრობთ ეს როგორ გავიგოთ, ნუთუ თქვენი საკუთარი ფრაზები და ციტატები არ გაგაჩნიათ“, - განაცხადა თალაკვაძემ.

ცნობისთივს, პარლამენტის რიგგარეშე სხდომაზე რომან გოცირიძემ განაცხადა: „დღევანდელი გამოსვლების მერე და მას შემდეგ, რაც მოვისმინე მთავრობის პროგრამა და შევხედე მთავრობას ვიზუალურად, გავაკეთე სერიოზული აღმოჩენა. თურმე ძალიან ვგავარ გენიალურ გერმანელ ფილოსოფოსს, ემანუელ კანტს - გარეგნულად კი არა, მე და კანტს, გვაქვს ერთნაირი იდეები. კანტმა ბრძანა: მე მუდამ მაოცებდა ორი რამ, ვარსკვლავებით მოჭედილი ცა და მორალური კანონები ჩემში. თურმე მეც ასე ვფიქრობდი, რომ ძალიან მაოცებდა ამ სამყაროში ორი რამ - მაღლა მოჭედილი ცა და დაბლა ბატონ ბიძინა ივანიშვილის საკადრო პოლიტიკა“.

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა