|
2018-07-13 19:50:49, 624 ნახვა
კომენტარი
ბახტაძე: ჩემი პრემიერობის კანდიდატად წარდგენა გადაწყდა პოლიტიკურ გუნდში, რომლის თავმჯდომარე ივანიშვილია
"ჩემი პრემიერ-მინისტრობის კანდიდატად წარდგენა გადაწყდა პოლიტიკურ გუნდში, სადაც, რა თქმა უნდა, ბიძინა ივანიშვილი მონაწილეობდა, როგორც „ქართული ოცნების" პარტიის პოლიტიკური თავმჯდომარე", - ამის შესახებ საქართველოს პრემიერ-მინისტრმა მამუკა ბახტაძემ ფრაქცია „ნაციონალური მოძრაობის" სხდომაზე რომან გოცირიძის მიერ დასმული კითხვის პასუხად განაცხადა, რომელიც ბახტაძის ჯერ საქართველოს რკინიგზაში დანიშვნას, შემდეგ კი პრემიერ-მინისტრის თანამდებობაზე წარდგენას შეეხებოდა. მთავრობის მეთაურმა შეკითხვას ორიგინალური უწოდა და აღნიშნა, რომ მათზე პასუხები კონკრეტულია. "დიდი მადლობა, ბატონო რომან, ორიგინალური შეკითხვისთვის. ჯერ რკინიგზით დავიწყოთ - მე საპარტნიორო ფონდის ხელმძღვანელობამ წარმადგინა და დამნიშნა, როგორც ეს იყო პროცედურით გათვალისწინებული. რაც შეეხება ჩემს კომუნიკაციას მაშინდელ მთავრობასთან, არათუ პარლამენტის თავმჯდომარე, არამედ ბიძინა ივანიშვილი მაშინ საქართველოს პრემიერ-მინისტრი გახლდათ, ეს პირველი. რაც შეეხება ჩემს პრემიერ-მინისტრობის კანდიდატად წარდგენას, ეს გადაწყდა პოლიტიკურ გუნდში, სადაც, რა თქმა უნდა, ბიძინა ივანიშვილი მონაწილეობდა, როგორც „ქართული ოცნების" პარტიის პოლიტიკური თავმჯდომარე. ასე რომ, მემგონი აქ ახლა ორიგინალური პასუხების გაცემის დიაპაზონი ძალიან ნაკლებია. პასუხები არის კონკრეტული თქვენს ორიგინალურ შეკითხვებზე", - მიმართა პრემიერმა რომან გოცირიძეს.
მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს
მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა
მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო
ლევან სუთიძე - მეუფე შიომ მხარდაჭერა უკვე კამპანიის დროს მოიპოვა
|
რედაქტორის რჩევით
რეპრესიების არქიტექტურა – სამოქალაქო საზოგადოების გამოწვევები ავტორიტარული ტენდენციების პირობებში
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
ომი უკრაინაში
რუსეთმა ოდესაზე იერიში მიიტანა: 10 ადამიანი დაშავდა, მათ შორის 2 ბავშვი
რუსეთის არმიაში საკვების დეფიციტის ფონზე კანიბალიზმის შემთხვევები დაფიქსირდა - The Sunday Times
ვიდეო/LIVE პატრიარქის ილია მეორის დაკრძალვა - პირდაპირი
2025 წელს, ემიგრანტების რიცხოვნობამ 114 374 კაცი შეადგინა, ყველა მათგანი შრომისუნარიანი იყო
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|





epn.ge (@expressnews.ge)