„თქვენ გრძელი ნუსხა ჩამოთვალეთ, თუ რა გავაფუჭე მე“, - ასე მიმართა გაერთიანებული კომიტეტების სხდომაზე იუსტიციის მინისტრობის კანდიდატმა თეა წულუკიანმა "ევროპული საქართველოს" წევრს, ოთარ კახიძეს. 

მინისტრობის კანდიდატმასაპარლამენტო უმცირესობის წევრს სამი კვირის წინ გაკეთებული განცხადება შეახსენა, როდესაც კახიძე ახალ პრემიერს წულუკიანის „გაფუჭებულ საქმეებს“ ახსენებდა.

როგორც წულუკიანმა აღნიშნა, მიუხედავად იმისა, რომ მან 2 წელი მოანდომა სტრასბურგის სასამართლოში ლადო ჭანტურიას მოსამართლედ წარდგენას, ის ამ კანდიდატით ამაყობს.

„იმისთვის მაკრიტიკებთ, რომ საქმე გავაფუჭე, რომ დღეს ლადო ჭანტურია ევროპული სასამართლოს მოსამართლეა. სიამაყით მევსება გული, როდესაც მესმის ხოლმე ჩემი სკოლადამთავრებულების, ფრანგების, ბრიტანელების, განსაკუთრებით გერმანელების მხრიდან მისი ქება-დიდება. ის, რომ არის ევროპული სტანდარტის მაღალკვალიფიციური მოსამართლე, ამას 2 წელი მოვანდომე?! დიახ, მოვანდომე, იმიტომ რომ მე თქვენთან ბრძოლაში არ ვიღლები და არ დავიღლები არასდროს, ვიდრე მაქვს ის სული, რაც ღმერთმა მომცა“, - განაცხადა წულუკიანმა.

მანამდე "ევროპული საქართველოს" ერთ-ერთმა ლიდერმა თეა წულუკიანს კითხვით მიმართა და დაინტერესდა, თუ როგორ აპირებს ის მუშაობის გაგრძელებას, როდესაც მის არასამთავრობო ორგანიზაციები უნდობლობას უცხადებენ. 

"როდესაც ამ ორგანიზაციებმა გამოგიცხადეს უნდობლობა იმ ჩავარდნების გამო, რომელიც გვაქვს მართლმსაჯულების სისტემაში, იმის გამო, რომ იუსტიციის უმაღლესი საბჭოს საქმიანობა არის სულ უფრო გაუმჭვირვალე, მოსამართლეთა 2/3 ყოველგვარი კრიტერიუმების გარეშე გამწესდა უვადოდ, მაშინ როდესაც თქვენი მონაწილეობით მთავარი პროკურორის შესარჩევი სხდომაც ჩატარდა დახურულად, ამ ფონზე, როგორ „შეძელით“, რომ ასეთი ერთსულოვანი წინააღმდეგობაა თქვენი კანდიდატურის მიმართ და რა პასუხი გაქვთ გარდა იმისა, რომ ეს მოთხოვნები არის ფსიქოზი“,- მიმართა ოთარ კახიძემ თეა წულიკიანს.

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა