„ჩვენი მოლოდინია, რომ ივანე მაჭავარიანი მაქსიმალურად დაგვეხმარება ეკონომიკის ციფრულ ტრანსფორმაციაში“, - ამის შესახებ პრემიერ-მინისტრმა მამუკა ბახტაძემ მთავრობის ადმინისტრაციაში გამართულ ბრიფინგზე, ფინანსთა მინისტრის წარდგენისას განაცხადა.

როგორც ბახტაძემ აღნიშნა, თანამედროვე ტექნოლოგიების მიმართულებით მაჭავარიანის გამოცდილება თვალსაჩინოა.

„ივანე მაჭავარიანი წლების განმავლობაში მუშაობდა „თელიასონერას“ ჯგუფში შემავალი კომპანია „ჯეოსელში“. ის გახლდათ ფინანსური და კომერციული დირექტორი ამ კომპანიაში. ჩვენი რეფორმების დიდი ნაწილი დაკავშირებული ციფრულ ეკონომიკასთან. ის რეფორმათა პაკეტი, რომელიც მე წარვადგინე, მათი დაახლოებით 50% საჭიროებს თანამედროვე ტექნოლოგიების დანერგვას. ვანო მაჭავარიანის გამოცდილება ამ კუთხით არის მართლაც თვალსაჩინო. ის გახლავთ საქართველოში ერთ-ერთი ყველა გამოცდილი ადამიანი ამ მიმართულებით. შესაბამისად, ჩვენი მოლოდინია, რომ ის მაქსიმალურად დაგვეხმარება ჩვენი ეკონომიკის ციფრულ ტრანსფორმაციაში. მინდა შეგახსენოთ, რომ ჩვენი პროგნოზის მიხედვით, დაახლოებით 1-დან 1.5%-მდე ზრდა უნდა უზრუნველყოს სწორედ თანამედროვე ტექნოლოგიების დანერგვამ. შესაბამისად, ეს გახლავთ სასიცოხლოდ მნიშვნელოვანი მიმართულება“, - განაცხადა ბახტაძემ.

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა