სასამართლომ ზვიად კუპრავას აღკვეთის ღონისძიების სახით 5 ათას ლარიანი გირაო შეუფარდა.

სასამართლომ აღნიშნული გადაწყვეტილებით ბრალდების მხარის შუამდგომლობა სრულად გაიზიარა. პროკურატურა 5000-ლარიან გირაოს ითხოვდა. 

"პროკურატურის შეამდგომლობა დააკმაყოფილა სასამართლომ. ჩვენ ვითხოვდით, რომ აღკვეთის ღონისძიების სახით თავდებობას. ზაზა სარალიძე და ბაჩუკი ქარდავა მიდგებოდნენ თავდებში. არ მაქვს საშუალება, რომ 5 ათასი ლარი დავრიცხო სასამართლოს ანგარიშზე და ეს ფაქტი გავაჟღერეთ, თუმცა არ იქნა გაზიარებული ეს შუამდგომლობა. პროკურორები აპელირებდნენ, რომ მე გარკვეული ქონება გამაჩნია, მაგრამ გაირკვა, რომ ჩემს ყველა ქონებას ბანკების ყადაღა ადევს. შემდეგ პროკურორებმა თქვეს, რომ დედაჩემს აქვს ბინა, სადაც ჩვენ ვცხოვრობთ, თუმცა როდესაც აწყობთ დედა ოჯახის წევრია, როდესაც არ აწყობთ არ არის. ჩემს შემთხვევაში ჩაითვალა, რომ დედა არის ოჯახის წევრი. თუ არ ვცდები 30 დღეში უნდა შევიტანო ეს თანხა", - განაცხადა კუპრავას სასამართლოს სხდომის დასრულების შემდეგ. 

პროკურატურამ ზვიად კუპრავას ბრალი სსკ-ის 366-ე მუხლის მე-2 ნაწილით წარუდგინა, რაც სასამართლოს უპატივცემულობას გულისხმობს. დანაშაული 2 წლამდე თავისუფლების აღკვეთას ითვალისწინებს.  

ავტორი: ,

სოციალური ქსელები

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი