„ამ ეტაპზე გადაადგილების პრობლემა არ იქმნება, ასევე არ გვყავს მოსახლეობა, რომელიც სრულიად არის მოწყვეტილი გარესამყაროს“, - ამის შესახებ რეგიონული განვითარებისა და ინფრასტრუქტურის მინისტრმა, მაია ცქიტიშვილმა ჟურნალისტებს განუცხადა.

მისი თქმით, სპეციალისტები მდინარე ნენსკრაზე დროებით ხიდის კონსტრუქციისთვის შესაბამისი ადგილის შერჩევას ცდილობენ.

 „გუშინვე დავათვალიერთ და მივიღეთ ზომები, რომ პირველ რიგში, შეგვენარჩუნებინა გზის ის ნაწილები, რომლებსაც ემუქრებოდა კიდევ უფრო გამორეცხვის საფრთხე. დღეს მოვახერხეთ, სულ ცოტა ხნის წინ რომ გადაგვერჩინა ერთი მონაკვეთი, რომელსაც საფრთხე ემუქრებოდა. წაღებულია 6 ხიდი, რამდენიმე სამანქანო და რამდენიმე საფეხმავლო, თუმცა ამ ეტაპზე ხიდების აღდგენის სამუშაოებს ჩვენ ვერ ვიწყებთ. ჩვენ გვაქვს დროებითი ხიდის კონსტრუქცია, რომლისთვისაც ადგილის შერჩევა ხორცილედება. ვხედავთ, რომ ძალიან განიერი კალაპოტია და მარტივი არ არის ხიდის კონსტრუქციის დამონტაჟება ისე, რომ მასაც წაღების საფრთხე არ დაემუქროს. ამ ეტაპზე ხიდების პრობლემა არ გვაქვს, ანუ გადაადგილების პრობლემა არ იქმნება, ასევე არ გვყავს მოსახლეობა, რომელიც სრულიად არის მოწყვეტილი გარესამყაროს. ევაკუირებული მოსახლეობის სახლებიდან მიმდინარეობს მათი ნივთების გამოტანა. ამ ეტაპზე, პირველ რიგში, ჩვენ ვაკეთებთ პრევენციას, რათა არ დავკარგოთ გზის მონაკვეთები, რომლებიც შემდეგ პრობლემას შეგვიქმნის და მოგვიანებით უკვე რა თქმა უნდა, ჩვენ დავიწყებთ სარეაბილიტაციო სამუშაოებს. ტექნიკის პრობლემა არ გვაქვს, უბრალოდ, ამ ეტაპზე არსებული ვითარება მეტი სამუშაოების გაშლის შესაძლებლობას არ გვაძლევს“, - განაცხადა მაია ცქიტიშვილმა.

ცნობისთვის, უხვი ნალექის შედეგად, სოფელ ჭუბერში მთის ნაწილის ჩამოშლამ მდინარე ნენსკრას ადიდება გამოიწვია. მდინარის კალაპოტიდან გადმოსვლის გამო დაიტბორა მიმდებარე ტერიტორია, რამაც ათეულობით თემი გარესამყაროს მოწყვიტა, უხვმა ნალექმა  ჩამორეცხა სოფლებს შორის დამაკავშირებელი საავტომობილო გზები. ღვარცოდფის სალიკვიდაციოდ  მოხდა დამატებითი სამაშველო ჯგუფებისა და ტექნიკის მობილიზება უახლოესი ლოკაციებიდან.

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა