იუსტიციის უმაღლესი საბჭოს მდივანი გიორგი მიქაუტაძე "საერტაშორისო გამჭვირვალობის" მიერ წარდგენი კვლევას ეხმაურება, რომელშიც საქართველოს საერთო სასამართლოების სისტემაში კორუფციის რისკებია შეფასებული.

როგორც მიქაუტაძემ აღნიშნა, არასამთავრობო ორგანიზაციის მიერ წარდგენილი კვლევა ღიმილის მომგვრელია.

"ეს არ არის კრიტიკა, ეს არის ცრუ ინფორმაციაზე დაყრდნობით, მცდელობა იმის, რომ რაღაც ჩირქი მოეცხოს სასამართლოს სისტემას და არასწორი ფაქტების გადმოცემით შეიქმნას იმის ილუზია თითქოს სასამართლო სისტემაში არის კორუფცია. კვლევაშიც მითითებული არის, რომ მოცემულ შემთხვევაში კორუფცია არ გულისხმობს ქრთამის აღებას და ამის არც ერთი ფაქტი არ არსებობს. არის ბრალდებები, რომ თავმჯდომარეები ერევიან საქმეთა განაწილების სისტემაში. თეორიულადაც კი, ვერავინ დამისახელებს იმის შესაძლებლობას, რომ ელექტრონული განაწილების პროგრამაში შესაძლებელია ჩაერიოს ან ტავმჯდომარე ან ნებისმიერი სხვა მოსამართლე. ადრე იყო კლანი, ახლა ბოსებით შეიცვალა - მე თუ მკითხავენ "სერიც" შეიძლება იყოს. ღიმილის მომგვრელია ეს ყვველაფერი ნამდვილად", - განაცხადა მიქაუტაძემ.

ცნობისთვის, „საერთაშორისო გამჭვირვალობა - საქართველომ" წარადგინა კვლევა, რომელშიც საქართველოს საერთო სასამართლოების სისტემაში კორუფციის რისკებია შეფასებული. ორგანიზაციის ცნობით, სასამართლო სისტემაში არსებული მდგომარეობის კვლევამ აჩვენა, რომ სასამართლო სისტემაში კორუფციის სავარაუდო შემთხვევების ხელშემწყობი ძირითადი ფაქტორებია: (ა) მართლმსაჯულების ადმინისტრირებაზე არასათანადო გავლენა მოსამართლეთა გავლენიანი ჯგუფის მიერ და (ბ) სასამართლო ხელისუფლების სისტემური პრობლემები, რომლებიც გამოწვეულია ხარვეზიანი კანონმდებლობით და  რომელთა გამოსწორებაც არ მოხერხდა სასამართლო სისტემაში და მის გარეთ არსებული წინააღმდეგობის გამო.

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა