"ხორავას ქუჩაზე მომხდარი მკვლელობის თობაზე გამოძიების ვერსია პროკურატურის ვერსიას ეწინააღმდეგება", - ამის შესახებ "ევროპული საქართველოს" წევრი და საგამოძიებო კომისიის მდივანი ოთარ კახიძე Facebook-ის საკუთარ გვერდზე წერს.

როგორც კახიძემ განმარტა, პროკურატურამ საქმის მასალებში ინციდენტის დროს მ.კ.-სა და გ.ბ.-ს რეალური ადგილმდებარეობები შეცვალა.

"გამოძიება ამბობს, რომ საქმეზე შეკრებილი მტკიცებულებების თანახმად, სარალიძესთან ჩხუბის დაწყებისთანავე, ფარდულში შედის მ.კ. ამ დროს გ.ბ. არის თაღთან, ფარდულიდან რამდენიმე მეტრში. პროკურატურამ მ.კ.-ს და გ.ბ.-ს ადგილები გაუცვალა, გ.ბ. შემოიყვანა ფარდულში სარალიძესთან, ხოლო მ.კ. დააყენა ფარდულიდან 8-9 მეტრში. ეს გააკეთა მტკიცებულებათა ერთობლიობის გარეშე, მხოლოდ მ.კ.-ს ჩვენებაზე დაყრდნობით. გ.ბ. სასამართლომ გაამართლა სარალიძის მკვლელობის ნაწილში, ვინაიდან მის დანაზე არ არის სარალიძის სისხლი და ამავე დროს, არცერთი მოწმე, ვიმეორებ - არც ერთი - არ ამბობს, რომ გ.ბ. იყო ფარდულში სარალიძესთან. მ.კ.-ს გარდა. მხოლოდ მ.კ. და პროკურატურა ამტკიცებენ ერთსა და იმავეს", - წერს დეპუტატი.

შეგახსენებთ, კომისიის სხდომაზე დღეს შინაგან საქმეთა სამინისტროს წარმომადგენლების - გამომძიებელ ირაკლი ფიფიას, დეტექტივების სამმართველოს უფროსის იოსებ სიგუას და თბილისის პოლიციის დეპარტამენტის უფროსის შალვა ბედოიძის მოსმენა უნდა გაგრძელებულიყო, თუმცა სხდომაზე მხოლოდ ფიფია და ბედოიძე მივიდნენ.

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა