სოფო კილაძე: სახალხო დამცველის ოფისის მუშაობის შეწყვეტა ყოვლად დაუშვებელია

2018-06-27 10:01:22, 708 ნახვა

კომენტარი

პარლამენტის ადამიანის უფლებათა დაცვისა და სამოქალაქო ინტერგაციის კომიტეტის თავმჯდომარე სოფო კილაძე სახალხო დამცველის მიერ მუშაობის შეწყვეტის ფაქტს ეხმაურება.

კილაძე შესაბამის უწყებებს მოუწოდებს, დაუყოვნებლივ უზრუნველყონ ომბუდმსენის ოფისისთვის შესაბამისი ფართის გამოყოფა.

„მინდა გამოვეხმაურო სახალხო დამცველის მიერ მუშაობის შეწყვეტის ფაქტს შენობის ავარიული მდგომარეობის გამო. სახალხო დამცველი არის უმნიშვნელოვანესი მექანიზმი ადამიანის უფლებების მონიტორინგის კუთხით საქართველოში. ყოვლად დაუშვებელია ოფისის მუშაობის შეწყვეტა. მოვუწოდებ შესაბამის უწყებებს, დაუყოვნებლივ უზრუნველყონ სახალხო დამცველის ოფისისთვის შესაბამისი ფართის გამოყოფა, იმისთვის, რომ მან შეძლოს გააგრძელოს ადამიანის უფლებების დაცვა შესაბამისი მაღალი სტანდარტით", - ნათქვამია განცხადებაში.

შეგახსენებთ, საქართველოს სახალხო დამცველის აპარატმა სამუშაო პროცესი დროებით შეაჩერა. აღნიშნულის მიზეზი შენობის ავარიულობაა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები