შსს ცდილობს პროკურატურის მოცემულობის ბოლომდე მიყვანას მეორე ინსტანციაში, - ამის შესახებ ხორავას ქუჩაზე მოკლული დავით სარალიძის მამამ, ზაზა სარალიძემ დიპლომატიურ კორპუსთან შეხვედრის შემდეგ განაცხადა.

მისი ინფორმაციით, ჯერჯერობით გამოძიებაში არანაირი სიახლე არ არის.

„ჯერჯერობით გამოძიებაში არაფერი სიახლე არ არის. მე რაც ვიცი, ბოლო მონაცემებით, შინაგან საქმეთა სამინისტრო ცდილობს პროკურატურის მოცემულობის ბოლომდე გაყვანას მეორე ინსტანციაში. შსს-ს სურს, რომ გაბათილდეს საქალაქო სასამართლოს მოსამართლე ეკა არეშიძის განაჩენი“, - განაცხადა ზაზა სარალიძემ.

შეგახსენებთ, გასული წლის პირველ დეკემბერს, თბილისში, ხორავას ქუჩაზე არასრულწლოვნებს შორის ურთიერთშელაპარაკების დროს ორი მოზარდი - ლევან დადუნაშვილი და დავით სარალიძე დაჭრეს. დადუნაშვილი საავადმყოფოში მიყვანამდე გარდაიცვალა, დავით სარალიძე კი, ინციდენტიდან მეორე დღეს დაიღუპა. მკლელობის ბრალდებით ორი არასრულწლოვანი დააპატიმრეს, 5 პირი კი, დანაშაულის შეუტყობინებლობისთვის პასუხისგებაში მიეცა.

1 ივნისს, თბილისის საქალაქო სასამართლომ დამამძიმებელ გარემოებაში ლევან დადუნაშვილის განზრახ მკვლელობაში დამნაშავედ ცნობილ გ.ბ.-ს 10 წლითა და 6 თვით თავისუფლების აღკვეთა მიესაჯა, ხოლო დამამძიმებელ გარემოებაში დავით სარალიძის განზრახ მკვლელობის მცდელობაში დამნაშავედ ცნობილ გ.ჯ.-ს 9 წლითა და 9 თვით.

მასშტაბური საპროტესტო აქციების შემდეგ, მთავარი პროკურორი ირაკლი შოთაძე გადადგა, ხორავას ქუჩის საქმე კი, გამოსაძიებლად პროკურატურიდან კვლავ შინაგან საქმეთა სამინისტროში დაბრუნდა. გამოძიების ფარგლებში შსს-მ 2 პირი დააკავა. ერთი დაკავებული მერაბ მორჩაძეა, რომელსაც მოწმის მოსყიდვა ედება ბრალად. რაც შეეხება მეორე დაკავებულს, ის პროკურატურის ყოფილი თანამშრომელი მირზა სუბელიანია, რომლის პასუხისგებაში მიცემასაც ერთ-ერთი მოკლული მოზარდის მამა, ზაზა სარალიძე რამდენიმე თვის განმავლობაში ითხოვდა. სუბელიანს ბრალი განსაკუთრებით მძიმე დანაშაულის შეუტყობინებლობაში ედება. ორივე დაკავებულს 11 ივნისს სასამართლომ აღკვეთის ღონისძიების სახით პატიმრობა შეუფარდა.

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა