„აქ ასეთი ტონით და შემართებით გესაუბრათ თქვენ მინისტრებთან, თუ ამის თავი გქონდათ და მიგემართათ კონკრეტულ საკითხებთან დაკავშირებით“, - ასე მიმართა საპარლამენტო უმრავლესობის წევრმა ანრი ოხანაშვილმა „ევროპული საქართველოს“ დეპუტატებს.

„ბატონ გიგა ბოკერიას როგორც ჩანს სჭირდება სისხლის სამართლის კოდექსის საფუძვლებში გავაღრმაოთ მისი ცოდნა და კიდევ ერთხელ თქვენს იურისტებს იქნება ჩაეკითხოთ, როდესაც საუბრობთ ასეთი შემართებით. ნაფიცმსაჯულთა სასამართლოზე გაამახვილეთ ყურადღება ბატონებო, საუბარი იყო რაზე, თურმე თქვენ შემოიღეთ ნაფიცმსაჯულთა სასამართლო, შემოიღეთ განსჯადობა ქვეყნის მთელს ტერიტორიაზე და ჩვენ ეს არ გავაფართოვეთ. ახლა ერთი შეხსენება, თქვენ შემოიღეთ ეს ინსტიტუტი, თუმცა შემოიღეთ  თბილისში, შემოიღეთ მხოლოდ ერთ მუხლზე, დღეს თბილისის გარდა არის ქუთაისში, ბათუმში, რუსთავში, თელავში, გორში და ზუგდიდში. ეს არის არასწორი, მცდარი წარმოდგენა  და შეცდომაში შეყვანა ჩვენი საზოგადოებისა. შესაბამისად, ჩვენ ტერიტორიული განსჯადობაც გავაფართოვეთ, ასევე მუხლებთან მიმართებაში განსჯადობაც გავაფართოვეთ. ასე რომ, როდესაც ასეთ რაღაცას ამბობთ, მით უმეტეს გუნდის ლიდერი ხართ, ელემენტარული საკითხია, რომ ჩაიხედოთ სისხლის სამართლის  საპროცესო კოდექსში“, - განაცხადა ოხანაშვილმა.

ოხანაშვილის განცხადებით, ოპოზიცია გაღიზიანებულია იმით, რომ თეა წულუკიანმა სტრასბურგის სასამართლოში ვანო მერაბიშვილის წინააღმდეგ სამართლებრივი პროცედურა მაღალ დონეზე აწარმოა.

„თეა წულუკიანი დღეს თქვენ გახადეთ თემა და იტოვებთ უფლებას, რომ რაღაცა შტურმი მოაწყოთ. აქ ასეთი ტონით და ასეთი შემართებით გესაუბრათ თქვენი მინისტრებისთვის თუ ამის თავი გქონდათ. გარდა ამისა, მე თქვენ დაგეხმარებით გაგარკვიოთ, რატომ ხართ გაღიზიანებულები. ივანე მერაბიშვილისთვის, რომელიც 26 მაისს ჩვენი საზოგადოების ღირსების აყრისთვის, ცემისთვის და სასტიკი ძალადობისთვის არის მსჯავრდებული, გინდოდათ, რომ პოლიტიკური პატიმრის სტატუსი მიგენიჭებინათ, მაგრამ ქალბატონმა თეა წულუკიანმა სტრასბურგის სასამართლოში სამართლებრივი პროცედურა იმდენად კარგად აწარმოა, კოვზი ნაცარში ჩაგივარდათ. ახლა ხართ გაღიზიანებული, რომ ივანე მერაბიშვილს არ მიენიჭა პოლიტპატიმრის სტატუსი, კაცს, რომელმაც 26 მაისს ქართულ საზოგადოებას გადაუარა. როგორ იტოვებთ იმის უფლებას, რომ გამოდიხართ და მინისტრობის კანდიდატებზე, თუ ჩვენს გუნდზე ასეთი იერიშით საუბრობთ. ერთია ის, რომ იურიდიული ცოდნა არ გყოფნით და მეორე - ასეთ პოლიტიკურ უტიფრობას ეწევით. კეთილი ინებეთ, ან კოდექსში ჩაიხედეთ, ან საქმეში გაერკვიეთ წესიერად და ისე ისაუბრეთ”, – განაცხადა  ოხანაშვილმა.

ავტორი: ,

სოციალური ქსელები

სამართალდამცავი ორგანოების კოორდინაციის საკითხებში სახელმწიფო მინისტრის თანამდებობის შემოღებას I მოსმენით მხარი დაუჭირეს

ოცნების პარლამენტმა სუს-ის უფროსად გელა გელაძე დაამტკიცა

იუკნევიჩიენე: ანდჟეი პოჩობუტის გათავისუფლება შესანიშნავი ამბავია, მაგრამ მზია ამაღლობელი ოცნების პატიმრობაში რჩება

„წინ და წინ - ფინანსობანა" – 2026 წლის პირველი წარმოდგენა ხულოში გაიმართა