პრეზიდენტმა პრემიერ-მინისტრის თანამდებობაზე მამუკა ბახტაძის კანდიდატურა ოფიციალურად წარადგინა

2018-06-16 10:09:15, 1208 ნახვა

პოლიტიკა

საქართველოს პრეზიდენტმა გიორგი მარგველაშვილმა პრემიერ-მინისტრის თანამდებობაზე მამუკა ბახტაძის კანდიდატურა ოფიციალურად წარადგინა.

შესაბამისი განკარგულება პრეზიდენტის ვებგვერდზე გამოქვეყნდა.

„საქართველოს კონსტიტუციის 801 მუხლის პირველი პუნქტის შესაბამისად, პრემიერმინისტრობის კანდიდატად წამოყენებულ იქნეს საპარლამენტო უმრავლესობის მიერ წარმოდგენილი მამუკა ბახტაძის კანდიდატურა“, - ნათქვამია განკარგულებაში.

მამუკა ბახტაძე, რომელიც ფინანსთა მინისტრის პოსტს იკავებდა, მმართველმა გუნდმა პრემიერ-მინისტრობის კანდიდატად 14 ივნისს წარადგინა. კონსტიტუციის თანახმად, ბახტაძეს 7 დღე აქვს იმისათვის, რომ მინისტრთა კაბინეტის შემადგენლობა დაასახელოს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები