„ქართული ოცნების“ ცენტრალურ ოფისში საპარლამენტო უმრავლესობის სხდომა მიმდინარეობს

2018-06-12 15:32:45, 1687 ნახვა

პოლიტიკა

„ქართული ოცნების“ ცენტრალურ ოფისში საპარლამენტო უმრავლესობის სხდომა მიმდინარეობს.

არსებული ინფორმაციით, შეხვედრის მთავარი თემა მოსალოდნელი საკადრო ცვლილებებია.

შეხვედრას პარტიის თავმჯდომარე ბიძინა ივანიშვილი და პრემიერ-მინისტრი გიორგი კვირიკაშვილი ესწრებიან.

მმართველი გუნდის წევრების ნაწილი აცხადებს, რომ ამ ეტაპზე ცვლილებების საჭიროებას ვერ ხედავს, ხოლო მეორე ნაწილი ცვლილებების მომხრეა.

თუ რა ცვლილებები შეიძლება განხორციელდეს მთავრობაში, უმრავლესობის წევრებს არ დაუკონკრეტებიათ, თუმცა „ექსპრესნიუსს“ სანდო წყარომ განუცხადა, რომ იუსტიციის მინისტრი თეა წულუკიანი და პირველი ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი თანამდებობებს ტოვებენ. მან არც პრემიერ-მინისტრის შეცვლა გამორიცხა.