საფრანგეთის რესპუბლიკის საგარეო საქმეთა მინისტრი ჟან-ივ ლე დრიანი 25-26 მაისს საქართველოს ეწვევა.  ოფიციალური დახვედრის ცერემონიალი პრეზიდენტის სასახლეში გაიმართება.

ჟან-ივ ლე დრიანი საქართველოს პრემიერ-მინისტრს გიორგი კვირიკაშვილს და ვიცე-პრემიერს, საგარეო საქმეთა მინისტრს მიხეილ ჯანელიძეს შეხვდება.  შეხვედრის შემდეგ, შედგება „პროექტის-„ფრანგულ-ქართული უნივერსიტეტის" განხორციელების შესახებ" მთავრობათშორისი შეთანხმების ხელმოწერის ცერემონიალი და გაკეთდება განცხადებები პრესისთვის.

ვიზიტის ფარგლებში საფრანგეთის საგარეო საქმეთა მინისტრი  დამოუკიდებლობის დღისადმი მიძღვნილ ღონისძიებებში მიიღებს მონაწილეობას, კერძოდ, ის სიტყვით  გამოვა პირველი დემოკრატიული რესპუბლიკის დაარსების 100 წლისთავის აღსანიშნავი ფიცის დადების ცერემონიაზე,  ასევე  დაესწრება ხელოვნების სასახლის მუზეუმში საქართველოს პირველი რესპუბლიკის დიპლომატიური არქივის გამოფენას და საქართველოს პირველი დამოუკიდებლობის დეკლარაციის გამოცხადების იმიტირებულ ცერემონიას.

საფრანგეთის რესპუბლიკის საგარეო საქმეთა მინისტრის საპატივცემულოდ, საქართველოს პრეზიდენტის გიორგი მარგველაშვილისა და პრემიერ-მინისტრის გიორგი კვირიკაშვილის სახელით, „ქორთიარდ მარიოტში" ლანჩი გაიმართება. ვიზიტის დასასრულს, 26 მაისს, ჟან-ივ ლე დრიანი თბილისის ოპერისა და ბალეტის თეატრში საზეიმო გალა-კონცერტს დაესწრება.

თბილისის შემდეგ,  ჟან ივ ლე დრიანი ბაქოში გაემგზავრება.

ავტორი: ,

სოციალური ქსელები

უკრაინის ზაკარპატიის რეგიონზე დრონებით თავდასხმის გამო უნგრეთის საგარეო საქმეთა სამინისტრომ რუსეთის ელჩი დაიბარა

ალექსანდრიის პატრიარქი შიო III-ს: გილოცავთ და თქვენი დღეგრძელობისთვის ვლოცულობთ

ირაკლი შაიშმელაშვილმა აშშ-ში პოლიტიკური თავშესაფარი მიიღო

დასავლეთმა ვერ შეამჩნია პუტინის ე.წ „ყველაზე ძლიერი“ ბირთვული რაკეტის გაშვება