„ბატონ ბიძინას ამ ეტაპზე თავისი პოზიცია არ დაუფიქსირებია, უფრო ჩვენს შეფასებებს ისმენდა. შესაბამისად, დავიშალეთ ისე რომ საბოლოო გადაწყვეტილება არ მიგვიღია“, - ამის შესახებ საპარლამენტო უმრავლესობის წევრმა მირიან წიკლაურმა „ქართული ოცნების“ ოფისში გამართული შეხვედრის შემდეგ განაცხადა.

როგორც მან აღნიშნა, ნარკოპოლიტიკის საკითხზე შეხვედრები გაგრძელდება და გუნდში საერთო პოზიცია უახლოეს მომავალში იქნება ჩამოყალიბებული.

„შეხვედრები და მუშაობა ამ თემაზე გაგრძელდება და უახლოეს მომავალში ჩამოვყალიბდებით ისეთ ვარიანტზე, რომელიც ქვეყნისათვის მისაღები იქნება. ჩემი აზრით ასე ხელაღებით დეკრიმინალიზაცია არ შეიძლება მოხდეს, იმიტომ რომ ამას შესაბამისი ჯაჭვური რეაქციები შეიძლება მოჰყვეს. რა თქმა უნდა ლიბერალიზაცია შესაძლებელია, თუმცა ისე, რომ ამან სხვა უარესი მოცლენები არ გამოიწვიოს. ამ საკითხთან დაკავშირევით ბატონ ბიძინას სიტყვას რა თქმა უნდა დიდი მნიშვნელობა აქვს მისი ავტორიტეტიდან გამომდინარე, მაგრამ გადამწყვეტ სიტყვას პარლამენტი იტყვის“, - განაცხადა მირიან წიკლაურმა.

ცნობისთვის, „ქართული ოცნების“ ცენტრალურ ოფისში საპარლამენტო უმრავლესობის შეხვედრა დაახლოებით 4 საათს გაგრძელდა. შეხვედრას ყოფილი პრემიერი და პარტიის თავმჯდომარე, ბიძინა ივანიშვილიც ესწრებოდა.

ავტორი: ,

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს