2018-05-21 10:52:02, 1060 ნახვა

---

კობახიძე: დისციპლინური სამართალწარმოების საკითხთან დაკავშირებით, ყველა პრინციპულ საკითხზე შეთანხმება მიღწეულია

„პრაქტიკულად, შეთანხმება არის მიღწეული ყველა პრინციპულ საკითხთან დაკავშირებით და შესაბამისად, ჩვენ ამ კვირის ბოლომდე მოვახერხებთ უკვე კანონპროექტის საბოლოო სახით ჩამოყალიბებას",- ამის შესახებ საქართველოს პარლამენტის თავმჯდომარემ, ირაკლი კობახიძემ სასამართლო რეფორმის სამუშაო ჯგუფის შეხვედრის დასრულების შემდეგ განაცხადა, სადაც მოსამართლეთა დისციპლინური პასუხისმგებლობის საკითხზე იმსჯელეს.

ირაკლი კობახიძის თქმით, დაკონკრეტდა დისციპლინური სამართალწარმოების საფუძვლები და დისციპლინური გადაცდომის სახეები.

„დღეს გაიმართა მორიგი შეხვედრა სასამართლო რეფორმასთან დაკავშირებით. განვიხილეთ დღეს დისციპლინური სამართალწარმოების საკითხი. ეს არის ოთხიდან ერთ-ერთი საკითხი, რომელიც შეეხება სასამართლო რეფორმას. ამ საკითხთან დაკავშირებით თვეების განმავლობაში ვერ ხერხდებოდა შეთანხმების მიღწევა. თუმცა, ახლა გამოიკვეთა, რომ, პრაქტიკულად, შეთანხმება არის მიღწეული ყველა პრინციპულ საკითხთან დაკავშირებით და შესაბამისად, ჩვენ ამ კვირის ბოლომდე მოვახერხებთ უკვე კანონპროექტის საბოლოო სახით ჩამოყალიბებას და კვირის ბოლოსთვის უკვე სამუშაო ჯგუფი შეთანხმდება ამ კანონპროექტზე, რაც არის ძალიან დიდი მიღწევა და ასეთივე შემართებით ვაპირებთ მუშაობის გაგრძელებას დანარჩენ სამ საკითხზე და დარწმუნებული ვართ, რომ იქაც მოვახერხებთ კონსესუსის მიღწევას სამუშაო ჯგუფში.

დაკონკრეტებულია სათითაოდ დისციპლინური სამართალწარმოების საფუძვლები. ასევე, დისციპლინური  გადაცდომის სახეები ახალ კანონპროექტში. გვქონდა დეტალური განხილვა თითოეულ საფუძველთან, თითოეულ სახესთან დაკავშირებით. ეს იყო ძალიან პრინციპული საკითხები. თითოეული ნორმის ქვეშ იყო გაწერილი ძალიან მნიშვნელოვანი, პრინციპული ხასიათის დებულებები და თითოეულ მათგანთან დაკავშირებით არის მიღწეული შეთანხმება",-განუცხადა პარლამენტის თავმჯდომარემ ჟურნალისტებს.

ირაკლი კობახიძის თქმით, გარკვეულ საკითხებთან დაკავშირებით იყო სხვადასხვა მოსაზრებებ, თუმცა, ამის მიუხედავად, შეხვედრაზე ყველა პრინციპულ საკითხზე შეთანხმდნენ.

„როგორც უკვე ვთქვი, ყველა პრინციპულ საკითხთან დაკავშირებით გვაქვს ჩვენ შეთანხმება. შესაბამისად, ეს შეთანხმება იქნება ასახული საბოლოო კანონპროექტში. იყო, რა თქმა უნდა, გარკვეულ საკითხებთან დაკავშირებით სხვადასხვა მოსაზრებები, თუმცა, კიდევ ერთხელ, შევთანხმდით ყველა პრინციპულ საკითხზე, რომლებიც აისახება კანონპროექტში",-განაცხადა კობახიძემ. 

---

ავტორი: ,

---

დღის თემა

მთავარი თემა

ინტერვიუ - ექსკლუზივი