„მოსკოვი რუსეთისა და საქართველოს პრეზიდენტების შეხვედრას არ გამორიცხავს“, - ამის შესახებ რუსეთის საგარეო საქმეთა მინისტრის მოადგილე გრიგორი კარასინმა განაცხადა.

თუმცა როგორც მან აღნიშნა, ასეთ შეხვედრას მომზადება სჭირდება.

„ასეთი შეხვედრა თეორიულად შესაძლებელია ყველა დონეზე, მათ შორის უმაღლეს დონეზე, თუმცა ამას სჭირდება სათანადო მომზადება“, - განაცხადა კარასინმა.

შეგახსენებთ, პრეზიდენტმა გიორგი მარგველაშვილმა ორი დღის წინ, სტუდენტებთან შეხვედრისას განაცხადა, რომ რუსეთის ლიდერთან შეხვედრისთვის მზადაა.

„მე ვნატრობ იმ დროს, როდესაც რუსეთის ლიდერს დაველაპარაკები არა მისი იმიჯიდან გამომდინარე, არამედ იმ ინტერესიდან გამომდინარე, რომელიც აქვს რომელიმე რუსულ ოჯახს, პერმში, მოსკოვსა, თუ პეტერბურგში და თუ მე, აი, აქედან გამომდინარე დამელაპარაკება რუსი ლიდერი - ჩვენ დავლაგდებით. ამას ჰქვია თანამედროვე დიალოგის ფორმა, იმიტომ რომ ესე მელაპარაკება მე მაგალითად პოლონეთის პრეზიდენტი. ის მეუბნება, რომ პოლონეთის მოქალაქეთა ინტერესები არის ეს და რანაირად შეგვიძლია ჩვენ ქართველი ხალხის და პოლონეთის ხალხის ინტერესები დავამთხვიოთ. ასე მელაპარაკება, გერმანიის კანცლერი, ან საფრანგეთის პრეზიდენტი, საკუთარი მოქალაქეების ინტერესებიდან გამომდინარე“, - განაცხადა პრეზიდენტმა.

ავტორი: ,

სოციალური ქსელები

დასავლეთმა ვერ შეამჩნია პუტინის ე.წ „ყველაზე ძლიერი“ ბირთვული რაკეტის გაშვება

TV Imedi: ევროპარლამენტმა 1 წლით საქმიანობა აგვიკრძალა

14 მაისიდან 30 ივნისის ჩათვლით ხაჯალია–სუფსის მონაკვეთზე მოძრაობა დროებით შეიზღუდება

მართვის მოწმობის არაგეგმური, 250 ლარიანი გამოცდა მხოლოდ შაბათობით ჩატარდება