„გპირდებით, რომ ხვალ დილით 10 საათზე თქვენს წარმომადგენლებთან ერთად დეტალურად განვიხილავ პარასკევის ყოველ წუთს“, - ასე მიმართა შს მინისტრმა გიორგი გახარიამ პარლამენტის შენობასთან მიმდინარე აქციის მონაწილეებს.

მან პირობა დადო, რომ ნარკოპოლიტიკის მიმართულებით კონკრეტული შედეგი იქნება მიღწეული.

გახარიამ ასევე აღნიშნა, რომ თუ მისი დაპირებები არ შესრულდება, მათ კვლავ შეეძლებათ პარლამენტის შენობასთან მივიდნენ და აქცია გამართონ.

 „საერთო ამოცანაა, რომ დღეს ეს საღამო დავასრულოთ მშვიდობიანად. მეორე - თქვენ იცით, რომ მეორე დღეა თქვენი გამოხატვის თავისუფლება აქ არ შეუზღუდავს არავის, ასევე თითოეული პოლიციელი ზრუნავდა თქვენს უსაფრთხოებაზე. ეხლა იმისთვის, რომ ყველამ მივაღწიოთ მიზანს, რომელიც გახლავთ, ერთობლივად ვიპოვოთ სწორი გამოსავალი რთული ამოცანებიდან, უნდა გადავინაცვლოთ სამუშაო რეჟიმში. გპირდებით, რომ ხვალ დილით 10 საათზე თქვენს წარმომადგენლებთან ერთად დეტალურად განვიხილავ პარასკევის ყოველ წუთს და ყველა ის ადამიანი, რომელზეც ერთობლივად შევთანხმდებით, რომ უფლება დაირღვა, იქნება უფლება აღდგენილი. მე ასევე გპირდებით, რომ ჩვენ კონკრეტულ შედეგებს მივაღწევთ ნარკოპოლიტიკის მიმართულებით. მესამე - ვთანხმდებით იმაზე, რომ თუ დაპირებები არ შესრულდება, შეგვიძლია ისევე შევიკრიბოთ პარლამენტთან, ვიცეკვოთ ან მოვუსმინოთ მუსიკას“, - განაცხადა შს მინისტრმა.

ავტორი: ,

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს