გიორგი ქადაგიძე: არც ერთი წუთით აღებული ვალდებულებებისგან არ გადაგვიხვევია

2015-05-25 18:34:13, 401 ნახვა

პოლიტიკა

საქართველოს ეროვნული ბანკის პრეზიდენტის გიორგი ქადაგიძის მტკიცებით, აღებული ვალდებულებებისგან არც ერთი წუთით არ გადაუხვევიათ.
ამის შესახებ ქადაგიძემ საფინანსო-საბიუჯეტო და დარგობრივი ეკონომიკისა და ეკონომიკური პოლიტიკის კომიტეტების გაერთიანებულ სხდომაზე განაცხადა.
მისივე თქმით, ეროვნულ ბანკს მონეტარული ოპერაციების გეგმა შეთანხმებული და დოკუმენტებში დეტალურად გაწერილი აქვს.
"ისევე როგორც ინტერვენციების მოცულობა, ასევე მთლიანად ჩარჩო, გეგმა ჩვენი მონეტარული ოპერაციების, არის შეთანხმებული და ხელმოწერილი და დადასტურებული დოკუმენტურად, ჩვენ არც ერთი წუთით არ გადაგვიხვევია იმ ვალდებულებებისგან, რაც ჩვენ ავიღეთ.საუბარი იმაზე, რომ ჩვენი შეხედულებით თვითნებურად ვაკეთებთ რამეს და ჩვენი პოლიტიკის რეაგირება არის მთავრობის საპირისპირო, რა თქმა უნდა, არასწორია. როგორც ფისკალური პოლიტიკის მთავარი ინდიკატორები, ასევე მონეტარული პოლიტიკის მთავარი ინდიკატორები გაწერილია დეტალურად დოკუმენტებში",-განაცხადა გიორგი ქადაგიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან