სამთო-გეოლოგიის ფაკულტეტის სტუდენტები საველე პრაქტიკებს ეკონომიკისა და მდგრადი განვითარების სამინისტროს სსიპ წიაღის ეროვნულ სააგენტოში გაივლიან. აღნიშნული პროგრამა მიმდინარე წლის ივნისიდან დაიწყება.

აღნიშნულს ითვალისწინებს მემორანდუმი, რომელიც საქართველოს წიაღის ეროვნულ სააგენტოსა და საქართველოს ტექნიკურ უნივერსიტეტს შორის გაფორმდა. მემორანდუმი, საველე პრაქტიკის გარდა, ასევე ითვალისწინებს სტაჟირების პროგრამის განხორციელების საკითხსაც.

მემორანდუმით გათვალისწინებული საკითხები ერთ-ერთი ცენტრალური იყო წიაღის ეროვნული სააგენტოს უფროსის მაია ზავრაშვილისა და საქართველოს ტექნიკური უნივერსიტეტის სამთო-გეოლოგიის ფაკულტეტის სტუდენტების შეხვედრაზე, რომლის დროსაც ასევე გამახვილდა ყურადღება წიაღის ეროვნული სააგენტოს საქმიანობის წესის, მიმდინარე რეფორმებისა და ზოგადად, წიაღის სფეროში დღეს არსებული გამოწვევების შესახებ. განსაკუთრებული ყურადღება მიექცა ისეთ საკითხებს, როგორიცაა მიტოვებული საბადოების ინვენტარიზაცია, წიაღის შესწავლისას საერთაშორისო სტანდარტების დანერგვისა და გეოლოგიური მონაცემთა ბაზების სისტემატიზაციის აუცილებლობაა.

დასასრულს აღინიშნა, რომ მსგავს შეხვედრებს რეგულარული ხასიათი მიეცემა. გარდა ამისა, წიაღის ეროვნული სააგენტო საველე პრაქტიკებისა და სტაჟირების პროგრამის მეშვეობით, არა მხოლოდ ხელს შეუწყობს ახალი თაობის პროფესიულ განვითარებას, არამედ წარმატებულ სტუდენტებს სააგენტოში დასაქმების შესაძლებლობაც მიეცემათ.

(NS)

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა