ჩრდილოეთ და სამხრეთ კორეის ლიდერები სრულ ბირთვულ განიარაღებაზე შეთანხმდნენ, - ამის შესახებ BBC იუწყება.

მედია საშუალების ინფორმაციით, ლიდერებმა ხელი მოაწერეს დეკლარაციას, რომლის თანახმადაც 65-წლიანი კონფლიქტი ფორმალურად დასრულდა.

ჩრდილოეთ კორეის ლიდერმა კიმ ჩენ ინმა იმედი გამოთქვა, რომ სამომავლოდ ორივე მხარის მოსახლეობა საზღვარზე გადასვლას შეფერხების გარეშე შეძლებს.

"ჩვენ ერთნი ვართ, ჩვენში ერთი სისხლი ჩქეფს და არ შეიძლება გაყოფილები ვიყოთ. მჯერა, რომ ჩრდილოეთი და სამხრეთი მომავალში გაერთიანდებიან", - განაცხადა კიმ ჩენ ინმა.

მისივე თქმით, ჩდილოეთ კორეამ ბირთვულ იარაღზე მუშაობა დაასრულა და მას ცდების ჩატარება აღარ მოუწევს.

ამასთან, ლიდერების ერთობლივი განცხადების თანახმად, კორეის ნახევარკუნძულზე ომი აღარ იქნება და ქვეყნებმა ახალი ერა დაიწყეს.

ასევე, ჩრდილოეთ და სამხრეთ კორეის ლიდერებმა პანმუნჯომიში ფიჭვი დარგეს. 1953 წელს ამოსული ხე, რომელიც სიმბოლურად ამავე წელს დასრულებული ომის შედეგად ორად გაყოფილი ნახევარკუნძულის კვლავ გაერთიანებას განასახიერებს. კიმ ჩენ ინმა და მუნ ჯე ინმა ხეს ორივე ქვეყნის ნიადაგიდან აღებული მიწა მიაყარეს და ორი მდინარის წყლით მორწყეს.

აღსანიშნავია, რომ 1953 წლის ომის შემდეგ კომუნისტური ჩრდილოეთ კორეის ლიდერი პირველად ჩავიდა სამხრეთ კორეაში.

ავტორი: ,

სოციალური ქსელები

მარტა კოსი: დღეს ევროკავშირის გაფართოებისთვის „სუპერ სამშაბათია“ - ჩვენ მოლდოვასა და უკრაინასთან მე-6 კლასტერს ვხსნით

სუს: 9 რეგიონში ჩატარებული ღონისძიების შედეგად, დაკავებული და სისხლის სამართლის პასუხისგებაში მიცემულია 28 პირი

ფოთი - ჭადრაკის ქალაქი. საქართველოს ბანკი ფოთის საჭადრაკო კლუბის მთავარი მხარდამჭერია

საქართველოს ბანკი ქმნის ინკლუზიურ საბანკო მომსახურებას