გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის აღმოსავლეთის რეგიონული სამმართველოს თანამშრომლებმა უკანონო სახერხი დანადგარების ფუნქციონირებისა და ხე-ტყის უკანონო ტრანსპორტირების ფაქტი გამოავლინეს.
კასპის მუნიციპალიტეტის სოფელ ხომლეს მიმდებარედ, დეპარტამენტის თანამშრომლებმა  ე.წ. ლენტური ტიპის სახერხი დანადგარის უძრავი ნაწილის - ლიანდაგის დემონტაჟი განახორციელეს. მიმდებარე ტერიტორიაზე განთავსებული იყო უკანონოდ მოპოვებული 3 მ3 წიწვოვანი სახეობის პირველადი გადამუშავების პროდუქტი - ფიცარი და  ფიჭვის სახეობის 6 ერთეული დაუფირნიშებელი მორი. 

ხაშურის მუნიციპალიტეტის სოფელ ხცისში კი უკანონო სახერხი საამქრო გამოვლინდა, რომლის ტერიტორიაზეც განთავსებული იყო 32 ერთეული უკანონოდ მოპოვებული ფიჭვის სახეობის სამასალე მორი. ასევე ფიჭვის სახეობის 26 ერთეული დაუფირნიშებელი სამასალე მორი კი ეზოში გაჩერებული ავტომანქანის ძარაზე იყო განთავსებული ტრანსპორტირების მიზნით. 

სამართალდარღვევებთან დაკავშირებით შედგა ადმინისტრაციული სამართალდარღვევის შესახებ ოქმები სახერხი საამქროს ტექნიკური რეგლამენტის, ხე-ტყის პირველადი გადამუშავებისა და ტრანსპორტირების მოთხოვნათა დარღვევების გამო, რაც, ჯამში, 5000 ლარის ოდენობის საჯარიმო სანქციას ითვალისწინებს.

სახერხი დანადგარი დაილუქა. მასალები, შემდგომი რეაგირების მიზნით, შესაბამის რაიონულ სასამართლოში გადაიგზავნება.  

(NS)

ავტორი: ,

სოციალური ქსელები

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება

პროკურატურამ ფორმულას მიმართ აღძრულ საქმეზე გამოკითხვაზე დავით ქაშიაშვილი დაიბარა