საქართველოს პრეზიდენტის მრჩეველი ადამიანის უფლებების საკითხებში კახა კოჟორიძე აცხადებს, რომ საზოგადოება კიდევ ერთხელ გახდა მოწმე, ვანო ზარდიაშვილის მიერ დაანონსებული იმ სამწუხარო სიურპრიზისა, რომელსაც პოლიტიკურად დადგმული სპექტაკლი ჰქვია და რომლის დამკვეთიც პარტია "ქართული ოცნებაა" და რომელში მონაწილეობასაც, უკვე სხვადასხვა სახელმწიფო უწყებები იღებენ.

აღნიშნული განცხადება კახა კოჟორიძემ ჟურნალისტებთან იმ გავრცელებული ინფორმაციის კომენტირებისას გააკეთა, რომელის მიხედვითაც, პრეზიდენტმა შეიწყალა მსჯავრდებული, რომლის საქმეც სააპელაციო სასამართლოში ისევ განიხილვის პროცესშია.

"დღეს გავრცელებული ინფორმაციაც ამის ერთერთი ნათელი მაგალითია. როდესაც შეწყალებასთან დაკავშირებით, იმ დადგენილი პრაქტიკისგან განსხვავებით, რომელიც არსებობს პრეზიდენტის ადმინისტრაციასა და სხვადასხვა უწყებებს შორის თანამშრომლობის თვალსაზრისით, ამ შემთხვევაშიც არ მოხდა ინფორმაციის მოწოდება, იმის შესახებ იყო თუ არა ეს საქმე გასაჩივრებული. შეწყალების კომისიამ დამატებითი ინფორმაციის მიღების მიზნით დამატებით მიმართა, ამაზეც პასუხი იყო ის, რომ არ იყო გასაჩივრებული.

ამ ყველაფრის შემდეგ ზარდიაშვილის დაანონსებული სიურპრიზები გამოდის დღისწესრიგში. ძალიან სამწუხარო და დამაზიანებელია სახელმწიფოებრივი თვალსაზრისით, რომ ამაში მონაწილეობენ სახელმწიფო უწყებები", - აღნიშნა კახა კოჟორიძემ.

ავტორი: ,

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო