"ევროპული საქართველოს" წევრის ოთარ კახიძის განცხადებით, პრეზიდენტ გიორგი მარგველაშვილს შეწყალების შესახებ გადაწყვეტილებების მიღებასთან დაკავშირებით მეტი პასუხისმგებლობა მართებს.

როგორც კახიძემ აღნიშნა, პრეზიდენტმა მოძალადეები და ნარკორეალიზატორები არ უნდა შეიწყალოს.

"უკვე მეორე შემთხვევაა, როდესაც პრეზიდენტი ლხელს იშვერს სხვა მიმართულებით. ერთი ჩვენ გვახსოვს ნარკორეალიზატორის შეწყალების ფაქტი, რომელშიც ფიგურირებენ საპარლამენტო უმრავლესობის წევრები, ახლა უკვე მთავრობისკენ იშვერს ხელს. მთავარი ის არის, რომ პრეზიდენტი მეტი პასუხისმგებლობით მოეკიდოს თავად შეწყალების პრეროგატივას. ამ კუთხით მან მოძალადეები და ნარკორეალიზატორები არ უნდა გამოუშვას გარეთ, თუ არ არის რამე მნიშვნელოვანი საგამონაკლისო გარემოება. მეტი პასუხიმგებლობის მქონე პირი უნდა ავირჩიოთ საქართველოს პრეზიდენტად", - განაცხადა კახიძემ.

შეგახსენებთ, 13 აპრილს, თბილისში, ბარნოვის ქუჩაზე 25 წლის ქალს მამინაცვალმა ყელი გამოჭრა, რის შედეგადაც ის ადგილზე გარდაიცვალა. მკვლელობაში ბრალდებული სამართალდამცველებმა 14 აპრილს, თელეთში დააკავეს. მას ბრალი დამამძიმებელ გარემობაში განზრახ მკვლელობაში ედება. მასთან ერთად სამართალდამცველებმა დანაშაულის შეუტყობინებლობის ბრალდებით კიდევ ერთი პირი დააკავეს.

ცნობისთვის, ვეფხია ბაქრაძეს სასჯელი რამდენიმე თვის წინ შეწყალების კომისიამ შეუმსუბუქა.

ავტორი: ,

სოციალური ქსელები

პარლამენტმა მამუკა მდინარაძისთვის უფლებამოსილების ვადამდე შეწყვეტის საკითხს მხარი დაუჭირა

ბოჭორიშვილმა ევროკავშირის ელჩი ახსნა-განმარტებისთვის დაიბარა

ბელგოროდის რეგიონში უკრაინის დარტყმების შედეგად, ერთი ადამიანი გარდაიცვალა

სროლაში ეჭვმიტანილი მასწავლებელი, ტრამპს უკრაინის მიტოვებაში ადანაშაულებდა