2018-04-12 13:38:25, 1800 ნახვა

---

შოთა შალელაშვილი - ირაკლი კობახიძეს დეპუტატთა ვიწრო წრე ჰყავს შემოკრებილი და მათ იქით ვერაფერს ხედავს

„პარლამენტის თავმჯდომარემ დეპუტატთა ფართო ჯგუფი უნდა შემოიკრიბოს და არა ის ვიწრო წრე, რომელიც ჰყავს შემოკრებილი და იმათ იქით ვერაფერს ხედავს“, - ამის შესახებ „ქართული ოცნების“ დეპუტატმა შოთა შალელაშვილმა ჟურნალისტებს განუცხადა.

როგორც მან აღნიშნა, არიან ისეთი პარლამენტარები, რომლებიც ათმაგ საქმეს აკეთებენ და ამის გამო უმრავლესობის უმრავლესობა უფუნქციოდ დარჩა.

„აქედან გამომდინარე, არის კითხვები. პარლამენტარები არიან ადამიანები, რომლებიც თავმოყვარეები არიან და უნდათ, დასაქმებულები იყვნენ. არ უდნა ვიყოთ პარლამენტში იმისთვის, რომ მანდატი ვატაროთ. პარლამენტის თავმჯდომარეს, როგორც ერუდირებულს, განათლებულს, ყველამ ვიცით, როგორი გაწონასწორებული ადამიანი ბრძანდება ბატონი პარლამენტის თავმჯდომარე, მაგრამ რაღაც-რაღაცები მასაც აქვს შესაცვლელი, იგივე დეპუტატებთან ურთიერთობა, ცოტა ფართე ჯგუფი უნდა შემოიკრიბოს, არ უნდა შემოიკრიბოს ის გარკვეული წრე, რომელიც მას ჰყავს შემოკრებილი და იმათ იქით ვერაფერს ხედავს“, - განაცხადა შოთა შალელაშვილმა.

---

ავტორი: ,

---

დღის თემა

მთავარი თემა

ინტერვიუ - ექსკლუზივი