სირიაში ქიმიური იარაღის გამოყენების შედეგად, 500-მდე ადამიანი მოიწამლა

2018-04-11 17:06:15, 2124 ნახვა

მსოფლიო

სირიაში, ქალაქ დუმაში ქიმიური იარაღის გამოყენების შემდეგ, საავადმყოფოებს მოწამვლის სიმპტომებით დაახლოებით 500-მა ადამიანმა მიმართა.

ამის შესახებ ჯანდაცვის მსოფლიო ორგანიზაციის მიერ გავრცელებულ პრესრელიზშია ნათქვამი.

ორგანიზაცია სირიაში მომხდარი ქიმიური თავდასხმის ადგილის დათვალიერებას ითხოვს.

ორგანიზაციის დაუზუსტებელი მონაცემებით, სირიაში თავდასხმისას 70 ადამიანი დაიღუპა, რომელთაგან 43-ს ქიმიური მოწამვლის ნიშნები ჰქონდა.

მათი თქმით, პაციენტებს ლორწოვანი გარსის გაღიზიანება, სუნთქვის პრობლემები და ცენტრალური ნერვული სისტემის დარღვევები აღენიშნებოდათ.

შეგახსენებთ, რომ 8 აპრილს სირიის სახელისუფლო ძალებმა აღმოსავლეთ ღუტაში ტოქსიკური გაზი გამოიყენეს, რასაც ქალაქ დუმაში 70-მდე ადამიანი ემსხვერპლა. აშშ მომხდარზე პასუხისმგებლობას ასადის მოკავშირე რუსეთს აკისრებს, ოფიციალური მოსკოვი კი ბრალდებებს უარყოფს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები