აჭარის ტურიზმის დეპარტამენტმა მინსკის საერთაშორისო ტურისტულ გამოფენაში „LEISURE 2018” მიიღო მონაწილეობა. აჭარის ტურისტული პროდუქტები დეპარტამენტმა გამოფენაზე დამოუკიდებელი სტენდით წარადგინა, სადაც ქვეყნისა და რეგიონის შესახებ ვიზიტორებს ამომწურავი ინფორმაციის მიღება 4 დღის განმავლობაში შეეძლოთ.

გამოფენის ფარგლებში დეპარტამენტის წარმომადგენლებმა შეხვედრები  ბელარუსიის ტურიზმის სამინისტროს, ტურისტული და სარეკლამო კომპანიების წარმომადგენლებთან გამართეს. საქართველო ბელარუსიისთვის ტურისტულად მიმზიდველი ქვეყანაა, სადაც  ბელარუსი მოგზაურების რაოდენობა წლიდან წლამდე იზრდება.

„ჩვენ ქვეყნები მჭიდროდ თანამშრომლობენ ბევრი მიმართულებით, მათ შორისაა ტურიზმი.  ჩვენთვის მნიშვნელოვანია ტურიზმის კუთხით ბელარუსში დაგეგმილი სარეკლამო აქტივობები, რადგან პოტენციურ ტურისტებს, განსაკუთრებით კი ახალგაზრდა თაობას ბევრი ინფორმაცია  მივაწოდოთ ჩვენი ქვეყნისა და რეგიონის ტურისტული პროდუქტების შესახებ. საქართველოში ყოველწლიურად იზრდება კიდეც ბელარუსი მოგზაურების რაოდენობა. მაგალითად, გასულ წელს საქართველოს 47,988 ბელარუსი სტუმრობდა, რაც 29%-ით აღემატება 2016 წლის მონაცემებს. აჭარის ტურისტული პოტენციალის რეკლამირების მიზნით უკვე რამდენიმე წელია აქტიურად ვთანამშრომლობთ რეიტინგულ მედიასაშუალებებთან და ტურისტულ კომპანიებთან ბელარუსში და ბუნებრივია, წელსაც ჩვენი პოტენციური ტურისტები ბევრ საინტერესო ინფორმაციას მიიღებენ ჩვენი ტურისტული შესაძლებლობების შესახებ,“ განაცხადა აჭარის ტურიზმის დეპარტამენტის თავმჯდომარე სულხან ღლონტმა.

აჭარის ტურიზმის დეპარტამენტთან ერთად გამოფენაში საქართველოს ტურიზმის ეროვნული ადმინისტრაცია და ტურისტული სააგენტოები მონაწილეობდნენ. მიმდინარე წლის ბოლომდე აჭარის ტურისტულ შესაძლებლობებს ჯამში 25 საერთაშორისო ტურისტულ გამოფენაზე გაიცნობენ.

(NS)

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა