კემეროვოს ოლქის გუბერნატორმა თანამდებობა დატოვა

2018-04-01 10:41:33, 2586 ნახვა

მსოფლიო

კემეროვოს ოლქის გუბერნატორმა ამან ტულეევმა თანამდებობა დატოვა. ამის შესახებ მან, სპეციალური სატელევიზიო მიმართვისას განაცხადა.

მედიის ინფორმაციით, ტულეევმა პოსტი პირადი განცხადების საფუძველზე დატოვა, რომლითაც მან პრეზიდენტ ვლადიმერ პუტინს მიმართა.

ამან ტულეევი 73 წლისაა, რომელმაც პოლიტიკური საქმიანობა 1980-იან წლებში დაიწყო. ის კემეროვოს ოლქის გუბერნატორი 1997 წელს გახდა.

შეგახსენებთ, რომ კემეროვში, სავაჭრო ცენტრში გაჩენილი ხანძრის შედეგად 64 ადამიანი დაიღუპა, მათი უმრავლესობა ბავშვები არიან. 44 ადამიანი ხანძრის დროს დაშავდა და 10 მათგანი მკურნალობას საავადმყოფოში აგრძელებს. პოლიციის განმარტებით, ხანძრის დროს, შენობაში სიგნალიზაცია არ ჩაირთო და ევაკუაცია დროულად არ განხორციელდა. კემეროვოს სავაჭრო ცენტრის მფლობელი ხანძრის დროს დაღუპული ადამიანების ოჯახებს სამი მილიონი, ხოლო ადგილობრივი ხელისუფლება ერთი მილიონი რუბლით დაეხმარება. ხანძრის გაჩენის საქმეზე ამ დროისთვის 7 ადამიანია დაკავებული.