2018-03-31 18:44:45, 1773 ნახვა

---

პრემიერი: ისრაელის ხალხის ბრძოლა მონობისგან თავის დასაღწევად, მთელი მსოფლიოსთვის მაგალითად იქცა

საქართველოს პრემიერ-მინისტრი გიორგი კვირიკაშვილი ებრაელ ხალხს პასექის დღესასწაულს ულოცავს.

„ვულოცავ ჩვენს ებრაელ თანამოქალაქეებს და მთელ ებრაელ ხალხს პასექის დღესასწაულს.

ისრაელის ხალხის ბრძოლა მონობისგან თავის დასაღწევად, მთელი მსოფლიოსთვის იქცა თავისუფლების სიყვარულისა და ერთგულების მაგალითად.

ჩვენთვის ძალიან ძვირფასია ის 26-საუკუნოვანი მეგობრობა, რომელიც ქართველ და ებრაელ ხალხს აკავშირებს. ჩვენ ამ უნიკალური ურთიერთობის ტრადიციას არამატერიალური კულტურული მემკვიდრეობის ძეგლის სტატუსი მივანიჭეთ.

ვუერთდები ჩვენი მეგობარი ებრაელი ხალხის ზეიმს და ვუსურვებ მათ ბედნიერებას, სულიერ სიმშვიდესა და კეთილდღეობას“, - ნათქვამია პრემიერის განცხადებაში.

---

ავტორი: ,

---

დღის თემა

მთავარი თემა

ინტერვიუ - ექსკლუზივი