„საქართველოს პრემიერ-მინისტრის ბოლო განცხადება იყო მიმართული კონსტრუქციული, პოზიტიური წინსვლისკენ აფხაზეთსა და სამხრეთ ოსეთთან ურთიერთობებში, თუმცა ვნახეთ პარლამენტის მკვეთრი განცხადებაც“, - ამის შესახებ რუსეთის საგარეო საქმეთა მინისტრის მოადგილე გრიგორი კარასინმა ჟენევაში, ჟურნალისტებს განუცხადა.

როგორც მან აღნიშნა, დროა, თბილისმა აირჩიოს - იქნება ხისტი, თუ მოქნილი და თანმიმდევრული.

„პრემიერ კვირიკაშვილის ბოლო განცხადება მიმართული იყო კონსტრუქციული, პოზიტიური წინსვლისკენ აფხაზეთსა და სამხრეთ ოსეთთან ურთიერთობებში, ახალი გზების ძიებისკენ, მათ შორის ჟენევის დისკუსიების ფარგლებში. თუმცა, შემდეგ მოულოდნელად წავიკითხეთ საქართველოს პარლამენტის საკმაოდ მკვეთრი განცხადება, რომელმაც პრემიერის განცხადების სრული დეზავუირება მოახდინა. შთაბეჭდილება იქმნება, რომ დროა, თბილისმა აირჩიოს - იქნება ხისტი, თუ იქნება მოქნილი და თანმიმდევრული. საქართველოს პრემიერის განცხადებაში ჩვენ დავინახეთ აფხაზეთთან და სამხრეთ ოსეთთან ურთიერთობების დალაგებაზე კიდევ ერთხელ პოზიტიურად დაფიქრების შეთავაზება. დაახლოებით ასეთივე დამოკიდებულება აქვთ ცხინვალსა და  სოხუმში. თუმცა, შემდგომმა განცხადებებმა მთლიანად გადახაზა ეს კონსტრუქცივიზმი“, - განაცხადა

ავტორი: ,

სოციალური ქსელები

16 მაისიდან N304 მარშრუტზე 18-მეტრიანი ავტობუსები იმოძრავებენ

ასტრახანის მახლობლად, „გაზპრომის“ ქარხანას დრონებით თავდასხმის დროს ცეცხლი გაუჩნდა

საფრანგეთის საელჩო - საფრანგეთი წარმატებებს უსურვებს ახალ პატრიარქს სულიერი მისიის შესრულებაში საქართველოს ერთიანობის სამსახურში

მოსკოვის საპატრიარქოს მილოცვა - ჩვენ დიდად ვაფასებთ იმ ფაქტს, რომ თქვენი ცხოვრების ნაწილი დაკავშირებულია მოსკოვთან