2018-03-20 18:49:32, 1385 ნახვა

---

ირაკლი კობახიძე: არის ინფორმაცია, რომ არჩილ ტატუნაშვილის გადმოსვენება შეიძლება დღესაც მოხდეს

პარლამენტის თავმჯდომარის ირაკლი კობახიძის განცხადებით, არსებობს ინფორმაცია, რომ შესაძლოა, არჩილ ტატუნაშვილის ცხედრის გადმოსვენება დღეს მოხდეს:

 „არის გარკვეული ინფორმაცია, რომელიც პოზიტიური მოლოდინის შესაძლებლობას იძლევა და ჩვენ დიდი იმედი გვაქვს, რომ ეს პროცესი ძალიან მალე დასრულდება. შეიძლება დღესაც მოხდეს, როგორც გვატყობინებენ,"-ამის შესახებჟურნალისტებს საქართველოს პარლამენტის თავმჯდომარემ ირაკლი კობახიძემ განუცხადა.

შეგახსენებთ, არჩილ ტატუნაშვილი 22 თებერვალს საოკუპაციო რეჟიმის წარმომადგენლებმა დააკავეს, 23 თებერვალს კი ცნობილი გახდა მისი გაურკვეველ ვითარებაში გარდაცვალების თაობაზე.  საერთაშორისო საზოგადოების მხრიდან უამრავი მოწოდებისა  და  საქართველოს ხელისუფლების მცდელობის მიუხედავად, ოჯახს ცხედარი ამ დრომდე არ გადასცემია. ასევე მასთან ერთად დააკავეს საქართველოს კიდევ ორი მოქალაქე, რომლებსაც  11 მარტამდე არ მიეცათ  საქართველოს მიერ კონტროლირებად ტერიტორიაზე გადმოსვლის უფლება.

---

ავტორი: ,

---

დღის თემა

მთავარი თემა

ინტერვიუ - ექსკლუზივი