2018-03-19 15:20:01, 1435 ნახვა

---

კობახიძე: ის, რაც ოკუპირებულ ტერიტორიებზე ხდება, ერთი დიდი უსამართლობის ცალკეული გამოხატულებაა

"ის, რაც ხდება ოკუპირებულ ტერიტორიებზე, არის ერთი დიდი უსამართლობის ცალკეული გამოხატულება",-ასე გამოეხმაურა პარლამენტის თავმჯდომარე ირაკლი კობახიძე რუსეთის საპრეზიდენტო არჩევნებისთვის საქართველოს ოკუპირებულ ტერიტორიებზე საარჩევნო უბნების გახსნის ფაქტს.

"ჩვენთვის მიუღებელია ის უსამართლობა, რასაც ვხედავთ ოკუპირებულ ტერიტორიებზე რუსეთის მხრიდან.ჩვენი დამოკიდებულება ამ ყველაფრის მხრიდან არის სათანადოდ ასახული საპარლამენტო რეზოლუციაში, რომელიც უახლოეს დღეებში დამტკიცდება",-განაცხადა კობახიძემ.

შეგახსენებთ, რომ გუშინ რუსეთის საპრეზიდენტო არჩევნები გაიმართა. აღნიშნული არჩევნები საქართველოს ოკუპირებულ რეგიონებში და ანექსირებულ ყირიმშიც ჩატარდა. წინასწარი მონაცემებით, რუსეთის პრეზიდენტს პოსტს ისევ ვლადიმერ პუტინი დაიკავებს. მან აღნიშნულ არჩევნებში რეკორდული მაჩვენებელი დააფიქსირა და ამომრჩეველთა 76.66% მიიღო.

---

ავტორი: ,

---

დღის თემა

მთავარი თემა

ინტერვიუ - ექსკლუზივი